कर्नाटक भारत- प्रवासी भूमिमा रहेका नेपालीहरूले राजनीतिक चेतनासँगै संगठनात्मक सक्रियता अभिव्यक्त गर्ने क्रममा राष्ट्रिय स्वतन्त्र पार्टीको प्रवासी मञ्च कर्नाटकअन्तर्गत शान्तिनगर समिति तथा बित्थडचिर गाउँपालिका समिति गठन गरिएको छ।
समितिहरू गठन गर्ने कार्यक्रम असार २९ गते कर्नाटकमा आयोजित भएको हो। कार्यक्रममा पार्टीका केन्द्रीय उपप्रमुख दीपकराज आचार्य र केन्द्रीय अनुशासन विभाग प्रमुख पहल एन्जी विशेष अतिथि थिए। नेताहरूले नवगठित समितिलाई बधाई दिंदै प्रवासमा रहेर पनि देशप्रेम, राजनीतिक जागरुकता र संगठन निर्माणमा सक्रिय योगदान दिनुपर्नेमा जोड दिएका थिए।
नवगठित समितिमा बसन्त धामी सभापति चयन भएका छन्। त्यसैगरी, विनोद नेपाली उपसभापति, टेकेन्द्र धामी सचिव, नरेश कडायत सहसचिव, नरेश अवस्थी कोषाध्यक्ष र यज्ञराज अवस्थी सह-कोषाध्यक्षको जिम्मेवारीमा चयन भएका छन्। महेश बिष्ट प्रवक्ताको रूपमा र हरमल धामी सह-प्रवक्ताको रूपमा चयन भएका छन्। त्यस्तै, मोहनप्रसाद जोशी सल्लाहकार प्रमुख र सुरेश बिष्ट सल्लाहकारका रूपमा मनोनित भएका छन्।
सदस्यहरूमा हर्क धामी, दीपक स्याडा, नरेन्द्र रोकाया, प्रेम रोकाया, कृष्ण भाट, जगदीश बिष्ट, विष्णु खड्का, पार्वती धामी र यमुना धामी रहेका छन्।
स्थानीय सुसिल ओखेडाले कार्यक्रममा बोल्दै प्रवासी भूमिमा यस्ता संगठनहरूको निर्माण प्रेरणादायी भएको बताए। उनले राजनीतिक सचेतना, समर्पण र नेतृत्व विकासमा प्रवासी नेपालीहरू पनि पछाडि नपर्ने स्पष्ट पारे।
