बझाङ- बझाङमा केदारस्यूँ गाउँपालिकाका महिलाहरूका लागि १५ दिने सिलाइ कटाइ तालिम सुरु भएको छ ।
जिल्ला सदरमुकाम चैनपुरा रहेको दलित सहयाेग समाजकाे सभा हलमा आइतबार १५ दिने सिलाई कटाई तालिम सुरु भएको हाे ।
दलित सहयोग समाज बझाङले केदारस्यु गाउँपालिका सँगको समन्वयमा २० जना महिलाहरूलाई सीप सिकाएर आत्मनिर्भर बनाउनका लागि तालिमको आयोजना गरेको हो ।
तालिम उद्घाटन कार्यक्रममा दलित सहयोग समाजका कार्यकारी निर्देशक सुनिल नेपाली सहितको उपस्थितीमा रहेको थियोे । वर्ड भिजन ईन्टरनेशनल नेपालको आर्थिक सहयाेगमा सञ्चालित तालिमबाट सबै दिदीबहिनीहरुले राम्रो सिप सिक्दै आत्मनिर्भर हुने विश्वास कार्यकारी नेपालीले व्यक्त गरे ।
आइतबारदेखि सुरु भएको तालिम आउँदो चैत १० गतेसम्म जारी रहनेछ । दलित सहयाेग समाजले समुदाय सुधार र विकास निर्माण सहित समुदायमा सचेतना कार्यक्रमहरु जगाउदै आएको छ ।
