कञ्चनपुर : कञ्चनपुर जिल्लाको लालझाडी गाउँपालिकामा मानव र वन्यजन्तु द्वन्द्व न्यूनीकरण सम्बन्धि अन्तरकृया गोष्ठी सम्पन्न भएको छ ।
पछिल्लो समय लालझाडी गाउँपालिकाका स्थानीय तथा कृषकलाई जंगली जनावर हात्तिले दुख दिने थालेपछि त्यसबाट बच्न सो गोष्ठी गरिएको थियो । 
हात्तिले लालझाडी गाउँपालिकामा कृषकले लगाएको उखु, धान, गहुँको विनाश गर्न थालेपछि हात्तिबाट सो समस्या समाधान तथा न्यूनीकरण गर्न दिएइको तालिममा गाउँघरमा मौरी पालन गरेर पनि हात्तीको विनाश बाट बच्न सकिने भनाई राखिएका थिए ।
मौरी पालन गरेको ठाउँमा हात्तिले प्राय प्रवेश नगर्ने र जिविकोपार्जनको कृषिलाई सुरक्षीत पार्न सकिने प्रशिक्षक ले बताउनुभएको थियो ।
कार्यक्रममा बोल्दै लालझाडी गाउँपालिका अध्यक्ष निर्मल रानाले हात्तिले स्थानीयलाइ धेरै दुख दिएको र सो न्यूनीकरण गर्न गाउँपालिका लागिरहेको बताउनु भयो । उहाँले गाउँपालिकाको बजेटले मात्र नपुग्ने भएकोले यो समस्या न्यूनीकरण गर्न प्रदेश तथा संघ सरकार समेत लाग्नुपर्ने बताउनुभयो ।
मानव र वन्यजन्तु द्वन्द्व न्यूनीकरण अन्तरकृया गोष्ठीमा सामुदायिक बनका पदाधिकारी, स्थानिय, समाजसेवी, पालिका अध्यक्ष, प्रमुख प्रशासकीय अधिकृत, कृषक तथा पत्रकारहरुको उपस्थिति रहेको थियो ।
