Day: २०८२ कार्तिक १८, मंगलवार ०७:०३

धनगढी- सुदूरपश्चिम प्रदेश सरकारले चालु आर्थिक वर्ष २०८२/८३ को पहिलो तीन महिनामा पुँजीगत खर्च (विकास खर्च) एक प्रतिशत मात्र गर्न सकेको छ। जेनजी आन्दोलनलगायतका कारण मन्त्रालयहरूले आवश्यक कार्यविधि तयार गर्न नसक्दा असोज मसान्तसम्म विकास खर्च अत्यन्त न्यून रहेको मन्त्रालयका अधिकारीहरूले बताएका छन्। प्रदेश लेखा नियन्त्रक कार्यालयका अनुसार तीन महिनाको अवधिमा १९ करोड ८० लाख २९ हजार ८२५ रुपैयाँ मात्र पुँजीगत खर्च भएको छ। यो खर्च पनि गत आर्थिक वर्षमा भएका कामको बाँकी भुक्तानी रकम हो। यस अवधिमा चालुतर्फ एक अर्ब १८ करोड ७८ लाख २९ हजार ६७५ अर्थात् ९ प्रतिशत खर्च भएको छ। प्रदेश सरकारले चालु आर्थिक वर्षमा चालुतर्फ १३ अर्ब ५२ करोड ६१ लाख र पुँजीगततर्फ १९ अर्ब ८२ करोड ५२ लाख ६ हजार विनियोजन गरेको छ। एभरेस्ट एकेडेमी, अत्तरिया अस्पताल र नवजीवन अस्पताल सहितका कार्यक्रम समेटिएको प्रदेशको कुल बजेट ३३ अर्...