Day: २०८२ आश्विन १४, मंगलवार १०:५७

सुर्खेत- दशैंको अवसरमा चौकुने गाउँपालिकाका अनाथ बालबालिकालाई नयाँ लुगाकपडा र खसी प्रदान गरिएको छ। चौकुने गाउँपालिका–७ स्थित अनाथ बालगृहमा आश्रय लिइरहेका बालबालिकालाई गाउँपालिका अध्यक्ष खड्क विक (विवश) ले व्यक्तिगत पहलमा उपहार स्वरूप कपडा र खसी दिएका हुन्। अध्यक्ष विकले बालबालिकालाई पसलमै लगेर उनीहरूले मनपर्ने कपडा रोजेर किनिदिएका छन्। उनले यसअघि पनि प्रत्येक प्रमुख चाडपर्वमा अभिभावकविहीन बालबालिकालाई सहयोग गर्दै आएको जनाउँदै यस वर्ष पनि उनीहरूलाई हर्षोल्लासपूर्वक दशैं मनाउन सहयोग गरिएको बताए। “यी बालबालिका समाजकै अमूल्य सम्पत्ति हुन्। अभिभावकको अभावले उनीहरूलाई चाडपर्वमा वञ्चित हुन नदिनु हाम्रो साझा जिम्मेवारी हो,” अध्यक्ष विकले भने। त्यस्तै, अध्यक्ष विकले यसपटक दशैं पनि अनाथ बालबालिकासँगै मनाउने योजना रहेको बताए। स्थानीयवासीले विकको यस्तो पहलले समाजमा अभिभावकविहीन बालबालिकाप्रति ...

धनगढी- गएको एक घण्टामा सुदूरपश्चिमका विभिन्न स्थानमा हल्कादेखि मध्यम वर्षा भएको छ। हनुमाननगर नगरपालिकामा मात्र ४४ मिलिमिटर पानी परेको मौसम पूर्वानुमान महाशाखाले जनाएको छ। महाशाखाका अनुसार आज देशभर साधारणतया आकाश बदली रहनेछ। विशेषगरी कोशी र बागमती प्रदेशका पहाडी भू–भागका एक–दुई स्थानमा ठूलो वर्षा हुने सम्भावना छ। दिउँसो कोशी, मधेश, बागमती र गण्डकी प्रदेशका पहाडी भू–भागमा मेघगर्जनसहित मध्यम वर्षा र चट्याङ पर्ने पूर्वानुमान गरिएको छ। त्यस्तै, बाँकी प्रदेशका पहाडी तथा तराई भू–भागका केही स्थानमा समेत मेघगर्जन र चट्याङसहित मध्यम वर्षा हुन सक्ने महाशाखाले जनाएको छ। हाल देशभर मनसुनी वायू कमजोर भए पनि स्थानीय वायूको प्रभाव रहने मौसमविद्हरूको भनाइ छ।...

बडादशैं तथा नवरात्रको आठौँ दिन आज दशैंघर तथा पूजा कोठामा नौ दुर्गामध्येकी आठौँ महागौरी देवीको विधिपूर्वक पूजाआराधना गरिँदैछ। यस दिन दशैंघर, कोत र देशभरका विभिन्न शक्तिपीठमा बलिसहित दुर्गा सप्तशती पाठ गर्ने परम्परा छ। भक्तजनहरूले आफ्ना कुलदेवी, देवता तथा स्थानीय देवीदेवतालाई पूजा गरी बलि दिने चलन छ भने सात्विकहरू नरिवल, कुभिण्डो, केरा, घिरौँला जस्ता फल अर्पण गर्छन्। काठमाडौंको दशैंघर हनुमानढोकास्थित मूल चोकमा तलेजु भवानीलाई परम्पराअनुसार ५४ राँगा र ५४ बोका बलि दिने प्रथा रहेको छ। महाअष्टमी र महानवमीबीचको रातलाई कालरात्रि मानी रातभर गुप्तपूजा गर्ने चलन छ। विशेषगरी आजको दिन पञ्चबलि दिने परम्परा छ, जसमा बोका, राँगा, परेवा, हाँस र भेडा पर्दछन्। धार्मिक ग्रन्थअनुसार यी पाँच पशु बलि प्रतीक मात्र हुन्, जसले अंहकार, मोह, मद, लोभ र बिक्रित प्रवृत्तिलाई त्याग्ने सन्देश दिन्छन्। कतिपयको भनाइम...