भारतमा गाडी दुर्घटना, चार नेपालीको मृत्यु
काठमाडौं- भारतको हिमाञ्जल प्रदेश, सिमला जिल्लाको कोटखाई नजिक पिकअप जिप दुर्घटना हुँदा चार नेपालीको मृत्यु भएको छ भने दुई जना घाइते भएका छन्।
मृत्यु हुनेमा सल्यानको कुमाख गाउँपालिका–४ का ५० वर्षीय डिल्लीबहादुर शाही, ३६ वर्षीय एकेन्द्र शाही, २६ वर्षीय लक्ष्मी मल्ल शाही र ३३ वर्षीय राजेश विष्ट रहेका छन्। तीमध्ये तीन जना एकै परिवारका हुन्। घाइते हुनेमा नवराज शाही र हिमबहादुर शाही रहेका छन्।
प्रारम्भिक अनुसन्धान अनुसार चालकले नियन्त्रण गुमाउँदा जिप भीरमा खसेको हो। लक्ष्मी शाही र डिल्लीबहादुर शाही अस्पताल पुर्याइए पनि उपचारका क्रममा दुवैजनाको मृत्यु भएको प्रहरीले जनाएको छ। बाँकी दुई घाइतेलाई उपचारपछि डिस्चार्ज गरिएको छ।
भारतीय मिडिया अनुसार दुर्घटनापछि भारतीय दण्ड संहिता अन्तर्गत मुद्दा दर्ता गरिएको छ। शवलाई पोस्टमार्टमका लागि पठाइएको र मृतकका परिवारलाई खबर गरिएको छ। यसबीच, हिमाञ्जल प्...
