उच्च अदालतले सुदूरपश्चिम सरकारको वन अधिकृत सरुवा निर्णय रद्द गर्यो
धनगढी- सुदूरपश्चिम प्रदेश सरकारले नियमविपरीत गरेको डिभिजन वन कार्यालय प्रमुखहरूको सरुवा उच्च अदालत दिपायलले रद्द गरेको छ।
प्रदेश मुख्यमन्त्री तथा मन्त्रिपरिषद्को कार्यालयले साउन ३० गतेको बैठकमार्फत कैलाली र कञ्चनपुरका तीन जना डिभिजन वन अधिकृतहरूको सरुवा गर्ने निर्णय गरेको थियो। सो निर्णयअनुसार डिभिजन वन कार्यालय धनगढीका प्रमुख कृष्णदत्त भट्टलाई पहलमानपुर, पहलमानपुरका प्रमुख रामचन्द्र कँडेललाई कञ्चनपुर र कञ्चनपुरका प्रमुख रामविचारी ठाकुरलाई धनगढी सरुवा गरिएको थियो।
यसविरुद्ध भट्ट र कँडेलले उच्च अदालत दिपायलमा रिट दायर गर्दै नियमविपरीत समय अगावै सरुवा गरिएको दाबी गरेका थिए। भदौ ५ गते अदालतले अन्तरिम आदेश जारी गर्दै साउन ३० गतेको निर्णय तत्काल कार्यान्वयन नगर्न मुख्यमन्त्री तथा मन्त्रिपरिषद् कार्यालयलाई निर्देशन दिएको छ। साथै, भदौ २० गते दुबै पक्षलाई सम्पूर्ण कागजातसहित उपस्थित हुन आदेश...
