Day: २०८२ श्रावण २४, शनिबार १८:४१

धनगढी- हाल देशभर सामान्यतया बदली रहेको मौसम पूर्वानुमान महाशाखाले जनाएको छ। मनसुनको न्यूनचापीय रेखा पूर्वतर्फ सरदर स्थानको केही उत्तर र पश्चिमतर्फ नेपालको तराई नजिक अवस्थित छ। यसको प्रभावमा कोशी, मधेस, बागमती, गण्डकी र लुम्बिनी प्रदेशका साथै सुदूरपश्चिम प्रदेशका तराई भूभागका केही स्थानमा हल्का वर्षा र थोरै स्थानमा मध्यम वर्षा भइरहेको छ। दिउँसो देशभर सामान्यतया बदली रहनेछ। कोशी, बागमती, गण्डकी र कर्णाली प्रदेशका पहाडी भूभागका केही स्थान तथा बाँकी भूभागका थोरै स्थानमा मध्यम वर्षा हुने सम्भावना छ। साथै, कोशी र बागमती प्रदेशका पहाडी भूभागको एक–दुई स्थानमा भारी वर्षा हुन सक्ने महाशाखाले पूर्वानुमान गरेको छ। राति पनि देशभर सामान्यतया बदली रहनेछ। मधेस प्रदेशसहित कोशी, बागमती, गण्डकी र लुम्बिनी प्रदेशका पहाडी तथा तराई भूभागका केही स्थान र अन्य प्रदेशका थोरै स्थानमा मध्यम वर्षा हुने सम्भाव...

धनगढी- प्रत्येक वर्ष श्रावण शुक्ल पूर्णिमाका दिन मनाइने रक्षाबन्धन, जनै पूर्णिमा तथा ऋषितर्पणी पर्व आज देशभर नयाँ यज्ञोपवीत एवम् रक्षाबन्धन धारण गर्दै श्रद्धा र उत्साहका साथ मनाइँदै छ। पूर्णिमाको दिन बिहानै वैदिक सनातन धर्मावलम्बीले नदी, ताल, तलाउ वा पोखरीमा स्नान गरी गुरु पुरोहितबाट मन्त्रिएको रक्षासूत्र (डोरो) बाँध्ने परम्परा छ। धार्मिक विश्वासअनुसार यसरी बाँधिएको रक्षाबन्धनले नकारात्मक शक्तिबाट रक्षा गर्छ। पौराणिक मान्यताअनुसार सत्ययुगमा गुरु वृहस्पतिले दानवराज बलीलाई बाँधेर देवगणको रक्षा गरेपछि यो परम्परा सुरु भएको हो। गुरु पुरोहितले रक्षाबन्धनको बेला ‘येन बद्धो बलिराजा दानवेन्द्रो महाबल, तेन त्वां प्रतिबध्नामि रक्षे मा चल मा चल’ मन्त्र उच्चारण गर्दै यजमानको दाहिने नाडीमा डोरो बाँध्ने वैदिक परम्परा रहिआएको धर्मशास्त्रविद् प्रा. डा. रामचन्द्र गौतमले बताए। तागाधारीले जनै फेर्ने ...