देशभर मनसुनी प्रभाव, आज कोशीदेखि गण्डकीसम्म ठूलो वर्षाको सम्भावना
काठमाडौं- हाल देशभर मनसुनी वायुको प्रभाव सक्रिय रहेकाले मधेस प्रदेशबाहेकका अधिकांश स्थानमा हल्कादेखि मध्यम वर्षा भइरहेको छ। जल तथा मौसम पूर्वानुमान महाशाखाका अनुसार गएराति सङ्खुवासभा, सिन्धुपाल्चोक र कास्की जिल्लामा भारी वर्षा भएको हो।
महाशाखाका मौसमविद् हरिप्रसाद दाहालका अनुसार पछिल्लो १२ घण्टामा सबैभन्दा धेरै ८६.२ मिलिमिटर वर्षा सङ्खुवासभामा मापन गरिएको छ।
आज दिउँसो कोशी, बागमती, गण्डकी र लुम्बिनी प्रदेशका धेरै स्थानमा तथा अन्य प्रदेशका केही स्थानमा मेघगर्जन र चट्याङसहित भारी वर्षाको सम्भावना रहेको दाहालले जानकारी दिए। काठमाडौं उपत्यकामा पनि दिउँसो मध्यम वर्षा हुने सम्भावना रहेको महाशाखाले जनाएको छ।
यसैबीच, सिन्धुपाल्चोकको मेलम्ची नदीमा जलसतह बढ्न सक्ने भन्दै बाढी पूर्वानुमान महाशाखाले सतर्कता अपनाउन आग्रह गरेको छ। कमजोर र भिरालो जमिनमा पहिरोको जोखिम रहेकाले त्यस्ता क्षेत्रका बा...
