Day: २०८२ बैशाख ९, मंगलवार २१:१५

बझाङ — बझाङको छबिसपाथिभेरा गाउँपालिका–१ ले उत्कृष्ट प्रदर्शन गरेका भलिबल खेलाडीहरूलाई सम्मान गरेको छ। थलारा गाउँपालिका–९ मा नयाँ वर्षको अवसरमा आयोजित वडा स्तरीय अध्यक्ष कप भलिबल प्रतियोगितामा उत्कृष्ट प्रदर्शन गर्दै प्रथम स्थान हासिल गरेका विकास मेमोरियलका खेलाडीहरूलाई मंगलबार एक विशेष कार्यक्रमका बीच सम्मान गरिएको हो। वडाध्यक्ष तथा गाउँपालिकाका प्रवक्ता करनजङ्ग बहादुर सिंहले खेलाडीहरूको मेहनत र योगदानको प्रशंसा गर्दै उनीहरूलाई खादा ओढाई सम्मान गरेका थिए। उनले स्थानीय तहमा खेलकुदको विकासका लागि वडा कार्यालय सधैं प्रतिबद्ध रहेको बताए। उक्त प्रतियोगितामा विकास मेमोरियलका खेलाडीहरूले प्रभावशाली प्रदर्शन गर्दै वडा तथा गाउँपालिकाको नाम उज्यालो बनाएका थिए। सम्मानित खेलाडीहरूले यस्ता कार्यक्रमहरूले थप उत्साह र प्रेरणा मिल्ने बताएका छन्। यस्तै खेलाडीहरूले उपाधि विजेता कप वडा कार्यालयला...