Day: २०८१ पुष १३, शनिबार १८:५५

कैलालीको कर्णाली–चिसापानीमा निर्माण हुने जालपादेवी केबलकारको शिलान्यास शनिबार परराष्ट्र मन्त्री डा. आरजु राणा देउवाले विशेष समारोहबीच गरेकी छन्। लम्की–चुहाँ नगरपालिका–३ स्थित आयोजनास्थलमा ३.१ किलोमिटर लामो केबलकार निर्माण कार्यको उद्घाटन गर्दै उनले यस परियोजनाले सुदूरपश्चिम प्रदेशको आर्थिक, सामाजिक, र सांस्कृतिक विकासमा महत्वपूर्ण योगदान गर्ने बताइन्। परराष्ट्र मन्त्री देउवाले सुदूरपश्चिम पर्यटन, संस्कृति, परम्परा, र जैविक विविधतामा धनी रहेको उल्लेख गर्दै केवलकार परियोजनाले समग्र समृद्धिमा टेवा पुग्ने बताइन्। आयोजनालाई समयमै सम्पन्न गर्न सबै पक्षको सहकार्य अपरिहार्य रहेको औंल्याउँदै उनले प्रदेशमा पर्यटन पूर्वाधारको विकासमा थप लगानीको आवश्यकता रहेको बताइन्। कार्यक्रममा वन तथा वातावरण मन्त्री ऐनबहादुर शाहीले यस्ता परियोजनामा निजी क्षेत्रको संलग्नतालाई अपरिहार्य मान्दै स्वदेशी स्रोतको ...

धनगढी — परराष्ट्रमन्त्री तथा नेपाली कांग्रेसकी नेतृ आरजु राणा देउवाले आगामी निर्वाचनमा पुनः कैलालीबाटै उम्मेदवारी दिने घोषणा गरेकी छिन्। शनिबार धनगढीमा आयोजित कार्यकर्ता भेटघाट कार्यक्रममा बोल्दै उनले यसअघि चुनावमा पराजित भए पनि पुनः यही क्षेत्रबाट चुनाव लड्ने आफ्नो योजना रहेको स्पष्ट गरिन्। “पहिला पनि यही क्षेत्रबाट चुनाव लडेको थिएँ, केही कारणले हारियो होला। फेरि पनि यही आएर चुनाव लड्ने मेरो विचार छ,” उनले भनिन्। उनले पार्टीभित्र एकताको खाँचो औंल्याउँदै व्यक्तिगत स्वार्थका लागि राजनीति गर्न नहुने धारणा व्यक्त गरिन्। “सानो बच्चा जस्तो झगडा गरिरहेका छौं हामी। यस्तो कुरा राजनीतिक चरित्र होइन,” उनले कार्यकर्ताहरूलाई सम्झाउँदै भनिन्। उनको यस घोषणाले कांग्रेस पार्टीभित्र नयाँ उत्साह र बहस सिर्जना गरेको छ। यस क्षेत्रका अन्य दलहरूसँगको प्रतिस्पर्धा र स्थानीय कार्यकर्ताको समर्थन आगामी निर...

नेकपा एमाले जिल्ला कमिटी बझाङले प्रधानमन्त्री केपी शर्मा ओलीलाई ११ बुँदे माग पत्र बुझाएको छ । शुक्रबार बालुवाटार पुगेर नेकपा एमालेका केन्द्रीय सदस्य तथा बझाङ जिल्ला प्रतिनिधि सभा इन्चार्ज ऐन महर, सुदुरपश्चिम प्रदेश सभा सदस्य दमन भण्डारी, प्रदेश कमिटी सदस्य जनक जोशी, सारदा विक, दल बहादुर धामी, नेकपा एमाले जिल्ला कमिटी अध्यक्ष दिलबहादुर भण्डारी, उपाध्यक्ष लालबहादुर विष्ट, सचिव नयन बोहरा,उपसचिव पंकज भण्डारी, नेकपा एमाले जिल्ला कमिटी बझाङका निवर्तमान सचिव आनन्दलाल विस्वकर्मा लगायतका नेताहरुले प्रधानमन्त्री ओलीलाई ११ बुँदे माग पत्र बुझाएको हो । बझाङ जिल्लाको पुर्वाधार विकास तथा जनताको आर्थिक रुपमा जीवनस्तर उकास्नका लागि योजनाहरु छनौट तथा बजेट विनियोजनका लागि ११ बुँदे माग पत्र बुझाएको नेकपा एमाले जिल्ला कमिटी उपसचिव पंकज भण्डारीले बताए । मागपत्रमा खुटिया–दिपायल–चैनपुर–ताक्लाकोट ...