कैलालीमा राति ९ बजेपछि देउसीभैलो खेल्न नपाइने
धनगढी - कैलालीमा रातिको ९ बजेपछि नाचगान तथा देउसीभैलो खेल्न नपाइने भएको छ ।
जिल्ला प्रशासन कार्यालय कैलालीले सार्बजनिक सूचना जारी गर्दै सुरक्षालाई ध्यानमा राखी रातिको ९ बजेपछि नाचगान तथा देउसी भैलो खेल्नमा रोक लगाएको हो ।
साथै तिहारको समयमा बिस्पोटक पदार्थहरु समेत बिक्री वितरण तथा प्रयोग नगर्न जिल्ला प्रशासन कार्यालय कैलालीले अनुरोध गरेको छ ।
प्रशासनले देउसीभैलोमा दक्षिणाको लागि रकम तोकी दक्षिणा दिन दबाब नदिन र देउसीभैलो लगायतका कुनै पनि कार्यक्रम गर्दा सार्वजनिक यातायात र जनजीवनलाई असर पर्ने कुनै पनि गतिविधि नगर्न अनुरोध गरेको छ ।...