ताजा अपडेट

गत अगस्ट ५ मा वैज्ञानिकहरूले पृथ्वीको परिक्रमण गतिमा असामान्य गिरावट ‘नोट’ गरेका छन्। उक्त दिन पृथ्वीले आफ्नो अक्षमा एकपटक घुम्न औसतभन्दा १.४५ मिलिसेकेन्ड बढी समय लगाएको थियो, जसका कारण दिन सामान्यभन्दा लामो भएको हो। पृथ्वी सामान्यतया २४ घण्टामा अर्थात् ८६ हजार ४ सय सेकेन्डमा आफ्नो अक्षमा एकपटक घुम्छ। तर, सो दिन ८६४००.००१४५ सेकेन्ड लागेको वैज्ञानिकहरूले मापन गरेका छन्। परमाणु घडी तथा खगोलीय अवलोकनमार्फत मात्र यस्ता सूक्ष्म परिवर्तन पत्ता लाग्ने बताइएको छ। वैज्ञानिकहरूको भनाइअनुसार वायुमण्डलीय ढाँचा, समुद्री ज्वारभाटा, पृथ्वीको आन्तरिक गतिविधि र चन्द्रमाको ज्वारीय गुरुत्वाकर्षणले पृथ्वीको गति प्रभावित गर्छ। अगस्ट ५ को परिवर्तन दक्षिण गोलार्धका वायुमण्डलीय परिस्थितिसँग सम्बन्धित भएको उल्लेख गरिएको छ। केही क्षेत्रमा असामान्य तिव्र हावाले पृथ्वीको सतहमा क्षणिक अवरोध ल्याएको र त्यसले दिनक...