ताजा अपडेट

बझाङ- बझाङको केदारस्युँ गाउँपालिका–५ बहोराडीमा घाँस काट्ने क्रममा भिरबाट लडेर एक महिलाको ज्यान गएको छ। मृत्यु हुनेमा ५९ वर्षीया कमला बोहरा रहेको जिल्ला प्रहरी कार्यालय बझाङले जनाएको छ। बिहीबार घर नजिकैको जंगलमा घाँस काट्ने क्रममा उनी अचानक चिप्लिएर करिब १०० मिटर तल खसेकी थिइन्। घटनापछि स्थानीयवासीको सहयोगमा उनलाई उपचारका लागि जिल्ला अस्पताल चैनपुर लगिएको थियो। तर, उपचारको क्रममा चिकित्सकले उनलाई मृत घोषणा गरेका थिए। प्रहरीले घटनासम्बन्धी आवश्यक अनुसन्धान अघि बढाएको जनाएको छ।...

बझाङ— केदारस्यूँ गाउँपालिकामा बाल क्लब सञ्जालको संस्थागत विकास तथा नेतृत्व विकासका लागि तीनदिने तालिम सुरु गरिएको छ। गाउँपालिका भित्रका ९ वटै वडामा क्रियाशील बाल क्लबका पदाधिकारीलाई क्लबको संस्थागत सुदृढीकरण र नेतृत्व क्षमता अभिवृद्धि गर्ने उद्देश्यले तालिम सञ्चालन गरिएको हो। तालिमको आयोजना प्रगतिशील युवा समाज र वर्ल्ड भिजन इन्टरनेशनल नेपालद्वारा सञ्चालित बाल संरक्षण परियोजनाको साझेदारीमा, केदारस्यूँ गाउँपालिकाको सहकार्यमा गरिएको हो। तालिम उद्घाटन सत्रमा परियोजनाका फिल्ड संरक्षण अधिकृत विनोद थापाले कार्यक्रमको उद्देश्य स्पष्ट पार्दै, बाल क्लब सञ्जालसँग विगत पाँच वर्षदेखि विभिन्न क्षमता विकासमुखी कार्यक्रम सञ्चालन गर्दै आएको जानकारी दिए। गाउँपालिकाका निमित्त प्रमुख प्रशासकीय अधिकृत केशवराज भट्टले बालबालिकाले आत्मविश्वासका साथ सार्वजनिक रूपमा प्रस्तुत हुन नसकेको देखिएको उल्लेख गर्दै, तालि...

बझाङ- केदारस्यूँ गाउँपालिका–४ बागथला बुङ्गल रोड डडियामा रहेको हुनैनाथ गार्मेन्ट उद्योगमा गएराति भीषण आगलागी हुँदा उद्योग पूर्ण रूपमा नष्ट भयो । आगलागी राति १२:४५ बजे सुरु भएको थियो। आगलागीबाट करिब १ करोड ५० लाख रुपैयाँ बराबरको क्षति भएको अनुमान गरिएको छ। घटनाको खबर प्राप्त हुनासाथ गाउँपालिका अध्यक्ष गणेशबहादुर बोहराको नेतृत्वमा रहेको टोलीले आज बिहानै स्थलगत निरीक्षण गरेको छ। निरीक्षण टोलीमा उपाध्यक्ष मनिषा धामी, निमित्त प्रमुख प्रशासकीय अधिकृत केशवराज भट्ट, प्रशासकीय अधिकृत धनराज जोशी,शिक्षा शाखाका हिम्मत भण्डारी लगायत सहभागी थिए। जिल्लामै नमुना उद्योगका रूपमा विकास भइरहेको हुनैनाथ गार्मेन्ट उद्योगमा ९ जना स्थायी कामदार कार्यरत थिए, जसमा ४ जना कर्मचारी र बाँकी ५ जना उद्योग सञ्चालकका परिवार सदस्य रहेका छन्। २०७२ सालदेखि सञ्चालनमा आएको उद्योगले सबै खाले आवश्यक पोशाक उत्पादन गर्दै आएको थियो...

बझाङमा एक गार्मेन्ट उद्योगमा आगलागी भएको छ । केदारस्युँ गाउँपालिका–४ स्थित बागथला बजारमा स्थानीय पुष्पराज भट्टद्वारा सञ्चालित होनैनाथ गार्मेन्ट उद्योगमा गएराति करिब १२:४५ बजे विद्युत सर्ट भई आगलागी भएको हो । अस्थायी प्रहरी पोष्ट बागथलाका अनुसार जस्तापाताले छाइएको एकतले तीन कोठे उक्त कच्ची संरचना पूर्ण रूपमा जलेर नष्ट भएको छ । घटनाको जानकारी राति १:३० बजे प्राप्त हुनासाथ प्रहरी निरीक्षक हरक सिंह फरालको कमाण्डमा चार जनाको प्रहरी टोली घटनास्थलमा खटिएको थियो। स्थानीयवासीको सहयोगमा राति करिब २ बजे आगो नियन्त्रणमा ल्याइएको थियो। उद्योगभित्र रहेका सबै सामग्री जलेर नष्ट भए पनि कुनै मानवीय वा चौपाया क्षति भने नभएको प्रारम्भिक विवरणमा उल्लेख गरिएको छ। यद्यपि, आगलागीबाट भएको भौतिक तथा आर्थिक क्षतिको विस्तृत विवरण संकलन कार्य जारी रहेको प्रहरीले जनाएको छ।...

बझाङ— बझाङको केदारस्यूँ गाउँपालिकाको आर्थिक वर्ष २०८१/०८२ को वार्षिक प्रगति समिक्षा गोष्ठी सम्पन्न भएको छ। गोष्ठीमा गाउँपालिकाबाट वर्षभरि सञ्चालन गरिएका कार्यक्रम, परियोजना र सेवा प्रवाहसम्बन्धी कार्यहरुको समिक्षा गर्दै ती काम कति प्रभावकारी र दिगो भए भन्नेबारे अन्तरक्रिया गरिएको थियो। साथै, आगामी वर्षमा विकास र सेवा प्रवाह कसरी अझ प्रभावकारी बनाउन सकिन्छ भन्नेबारे पनि छलफल गरिएको थियो। कार्यक्रममा बोल्दै गाउँपालिकाका निमित्त प्रमुख प्रशासकीय अधिकृत केशवराज भट्टले पालिकाबाट प्रदान हुने सेवाहरूलाई गुणस्तरीय बनाउने उपाय र आगामी कार्यदिशाबारे सुझाव प्रस्तुत गरे। गाउँपालिका उपाध्यक्ष मनिषा धामीले सेवा प्रवाहमा थप प्रभावकारिता ल्याउने खालका सुझाव राख्नु भयो । त्यसैगरी, गाउँपालिका अध्यक्ष गणेशबहादुर बोहराले विगतमा भएका कमीकमजोरी सुधार गर्दै जनमुखी विकास र सेवा प्रवाहलाई चुस्त दुरुस्त बन...