मनसुन कमजोर हुँदै, कोशी–गण्डकीको पहाडी क्षेत्रमा भारी वर्षाको सम्भावना
काठमाडौँ — मनसुनको न्यून चापीय रेखा नेपालको तराई आसपास रहेपनि बिस्तारै दक्षिणतर्फ सर्ने देखिएको मौसम पूर्वानुमान महाशाखाले जनाएको छ। यससँगै नेपालमा मनसुन केही कमजोर हुँदै जाने भएपनि बङ्गालको खाडीबाट जलवाष्पयुक्त हावाको प्रभाव भने यथावत रहनेछ।
आज बिहान सुदूरपश्चिम प्रदेशसहित देशका पहाडी भूभागमा सामान्यतया बदली रही बाँकी क्षेत्रमा आंशिक बदली देखिएको छ। कोशी, बागमती, गण्डकी र कर्णाली प्रदेशका थोरै स्थानहरूमा तथा मधेस, लुम्बिनी र सुदूरपश्चिम प्रदेशका एक–दुई स्थानमा मध्यम वर्षा भइरहेको छ।
दिउँसो सुदूरपश्चिम प्रदेशलगायत पहाडी भूभागमा सामान्यतया बदली रहनेछ। पहाडी भूभागका थोरै स्थानहरूमा र बाँकी तराईका एक–दुई स्थानमा मध्यम वर्षा हुने सम्भावना छ।
राति देशभर सामान्यतया बदली रहने पूर्वानुमान छ। कोशी, बागमती र गण्डकी प्रदेशको पहाडी भूभागका केही स्थानमा तथा मधेससहित बाँकी पहाडी र तराईका थोरै स...
