बझाङ : समुदाय साझेदारी कार्यक्रम मार्फत जिल्ला प्रहरी कार्यालय बझाङले नागरिक सुनुवाइ कार्यक्रम गरेको छ ।
आज जिल्लाकाे सदरमुकाम चैनपुरमा रहेको जिल्ला समन्वय समितिकाे सभाहलमा कार्यक्रम सञ्चालन भएको हाे । जनसमुदाय र प्रहरी विचकाे साझेदारी र प्रहरीले याे ३ महिनामा गरेका कामहरुकाे पन्तका प्रतिफल बारे जानकारी गराउनु भएको थियाे ।
जिल्ला प्रहरी कार्यालयका प्रमुख डिएसपी भरतबहादुर शाहले अहिलेसम्म प्रहरीले नागरिककाे विचमा खेलेको भुमिका र बालविवाह बहुविवाह महिला हिँसा सम्वन्धि सञ्चालन गरेको कार्यक्रम बारे जानकारी गराउनु भएको हाे ।
प्रस्तुति गरिएकोमा हाल सम्म बझाङ जिल्लामा प्रहरी
नागरिक सुनुवाइ कार्यक्रम प्रहरीले ३२ ठाउँमा काम गर्नु पर्ने भएको छ भने जम्मा प्रहरी सँख्या ३८३ दर्वन्दी रहेकोमा हाल सम्म जिल्ला ३६३ जना मात्र उपस्थिति रहेको बताउनु भयाे ।
समुदाय साझेदारी कार्यक्रम शान्तिपूर्ण एवम् सुरक्षित समाजका लागि भन्ने मुल नाराका साथ डिएसपी भरतबहादुर शाँहले नागरिकले उठाउनु भएको जनगुनासाकाे जवाफ दिनु भएको थियाे भने,प्रमुख जिल्ला अधिकारी विश्वमित्र कुईकेलले प्रशासनले गर्नुपर्ने भुमिका वारे जानकारी गराउनु भएको थियाे । नागरिक र प्रहरी मिलेर काम गर्नु पर्ने र गरिरहेको प्रहरीकाे भनाइ छ । कार्यक्रममा जयपृथ्वी नगरपालिका मेयर चेतराज वजाल उपमेयर सुरत सिँह नागरिक समाज पत्रकार सराेकारवालाकाे उपस्थिति रहेको थियाे कार्यक्रम सञ्चालन राष्ट्रिय अनुसन्धान बझाङका डिएसपी गाेविन्द पाण्डेले गर्नुभएको थियाे ।
