कैलाली : कैलालीको धनगढीमा कामना टेलिभिजनको कार्यालय उद्घाटन गरिएको छ । शनिबार सुदूरपश्चिम प्रदेशका सभामुख भिम भण्डारीद्वारा एक ओैपचारिक कार्यक्रमका बिच डिजिटल अनलाइन टेलिभिजनको उद्घाटन गरिएको हो ।
विगत एक वर्ष देखि “सधैं सत्यसँग नजिक रहेर” भन्ने मुल भनाइका साथ सञ्चालित डिजिटल अनलाइन टेलिभिजनको शनिबार भव्य कार्यक्रमका साथ धनगढी उपमहानगरपालिका – २ सन्तोषी टोलमा कार्यालय उद्घाटन गरिएको सञ्चालक बचनराज जोशीले बताउनुभयो । कैलालीमा प्रादेशिक कार्यालय रहको अनलाइन टेलिभिजनको केही समयमै बझाङमा समेत सम्पर्क कार्यालय राखिने सञ्चालक जोशीले बताउनुभयो । आफुले टेलिभिजन स्थापनाकाल देखि नै पत्रकारीताको आचारसंहिता पालना गरेर हरेक विषयमा खबरदारी गरिरहेको बताउदै आगामी दिनहरूमा पनि विशेषतः भ्रष्टाचार र अनियमितता विरुद्ध आवाज उठाउने प्रतिवद्धता जनाउनुभयो ।
कार्यक्रममा बोल्दै उद्घाटन समारोहका प्रमुख अतिथि एवं सुदूरपश्चिम प्रदेशका सभामुख भिम भण्डारीले पछिल्लो समय सञ्चार क्षेत्रमा नयाँ नयाँ अनलाइन माध्यमहरु स्थापित हुनु खुशीको कुरा रहेको बताउनुभयो । उहाँले सबै सञ्चारमाध्यमले सत्यतथ्य समाचार र जानकारी दिनुपर्ने भएपनि कतिपय मिडियाहरु पत्रकारीताको नियम बाहिर गइरहेको र त्यसबाट समग्र सञ्चार क्षेत्रमा विश्वसनीयता घट्दै गएको बताउनुभयो । सभामुख भण्डारीले सञ्चार माध्यमहरु निष्पक्ष हुन सके मात्रै सुशासन कायम हुने बताउदै कामना टेलिभिजनले पनि सत्यतथ्य कुराहरुलाई प्राथमिकता दिनेमा आफू विश्वस्त रहेको बताउनुभयो । कार्यक्रममा प्रदेशका सामाजिक विकास मन्त्री झपट साउँदले पनि टेलिभिजन सफलताको कामना व्यक्त गर्नुभयो ।
टेलिभिजनका सञ्चालक एवं अध्यक्ष बचनराज जोशीको अध्यक्षतामा सञ्चालन भएको उद्घाटन समारोहमा सभामुख भिम भण्डारी प्रमुख अतिथि रहनुभएको थियोे । विशिष्ट अतिथिमा सामाजिक विकास मन्त्री झपट साउँद र जिल्ला प्रहरी कार्यालयका प्रवक्ता एवं डिएसपी कुलदिप चन्द रहनुभएको थियोे । अतिथिमा पत्रकार महासंघका प्रदेश अध्यक्ष योगेश रावल, सचिव हरि जोशी, पुर्व अध्यक्ष अर्जुन शाह, टेलिभिजनका सम्पादक महा ओमराज जोशी, बझाङ संवाददाता उत्तम कुमार थापा लगाएत पत्रकारहरु रहनुभएको थियोे ।
कार्यक्रममा सफल युवा व्यवसायी शैलेस सिंह, रुमिना फार्मेशि सचाँलक तथा फार्मेशि संघ सचिब राम धामी, प्रहरी निरिक्षक जनक ढुङ्गाना लगाएतको उपस्थिति रहेको थियोे । कार्यक्रम सञ्चालन भने अमृत पाण्डेले गर्नुभएको थियोे ।उद्घाटन समारोहका केही तस्बिरहरू
