बझाङ : जिल्ला प्रहरी कार्यालय बझाङमा नागरिक सनुवाई तथा अन्तरक्रिया कार्यक्रम सम्पन्न भएको छ । जिल्ला प्रहरी कार्यालय बझाङको आयोजनामा नागरिक सनुवाई तथा अन्तरक्रिया कार्यक्रम सम्पन्न भएको हो । प्रमुख प्रहरी नायव उपरीक्षक एवं डिएसपी भरत बहादुर शाहको अध्यक्षतामा सञ्चालन भएको अन्तरक्रिया कार्यक्रममा प्रमुख जिल्ला अधिकारी बिश्वामित्र कुईकेल प्रमुख आतिथी रहनुभएको थियो । विशिष्ट अतिथीमा जयपृथ्वी नगरपालिका, सुर्मा गाउँपालिका र मष्टा गाउँपालिकाका केहि जनप्रतिनिधीहरु रहनुभएको थियो ।
कार्यक्रममा जिल्लाको शान्ती सुरक्षा, अपराध अनुसन्धान, रोकथाम तथा नियन्त्रण, समुदाय साझेदारी कार्यक्रम, प्रहरी प्रतिको गुनासो तथा सल्लाह सुझाव लगायतका विषयमा छलफल एंवम् अन्तरक्रिया गरिएको डिएसपी भरत बहादुर शाहले जानकारी दिनुभयो ।
नागरिक सनुवाई कार्यक्रममा प्रहरी, जिल्लाका व्यवसायी, संघ संस्थाका प्रमुख तथा प्रतिनिधी, पत्रकार, समाजसेवी, महिला अधिकारकर्मी, भद्र भलादमी, सर्वसाधारण लगाएत नागरिकहरुको उपस्थिती रहेको थियो ।
