धनगढी – पत्रकार नहकुल जोशीको उपन्यास नाजवाफ आइतबार एक कार्यक्रमका विच सार्वजनिक गरिएको छ ।
आइतबार धनगढीमा आयोजित एक समारोहमा उक्त पुस्तकको विमोचन गरिएको हो ।
सुदूरपश्चिम प्रदेशका प्रदेश प्रमुख देवराज जोशीद्वारा उक्त उपन्यास सार्वजनिक गरिएको हो । विगत लामो समयदेखि पत्रकारीतामा कलम चलाउदै आएका र हाल शिक्षण पेशामा आवद्ध जोशीको यो पहिलो कृति हो ।
राज्यब्यवस्था परिर्वतनका निम्ती तत्कालिन खस साम्राज्यको योगदान र उपलब्धीमा आधारित रहि यहाँका समस्या, कुप्रथा, विकास निमार्ण र जनजीवनका बारेमा उपन्यासमा चित्रण गरिएको बताइएको छ
मायाप्रेम संगै विद्यमान मौसमी बसाईसराइ, छुवाछुत, छाउपडि, बहुपति प्रथा लगायतका दर्जनौं प्रथा र समस्याहरुलाई मुख्य प्रश्नका रुपमा उठान गर्दै सुदूरकर्णालीका समृद्धिका दिन कहिले आउन्छन भन्ने कुरा उपन्यासमा गहन रुपमा आएको उक्त पुस्तकका समिक्षक अर्जुन शाहले बताए । युद्ध साहित्य भित्र सामाजकि जनजीवनको तारकिक चित्रणले उपन्यास पठनिय रहेको उनको भनाई छ ।
हामीसबै एकै मानव हौं भन्ने भावनाको विकास समेत नभएको तर्फ उपन्यासले मुख्य रुपमा प्रश्न उठाएको लेखकले बताए ।
सुननन्दा मिडिया हाउसका निर्देशक अनिल शाहीको अध्यक्षतामा आयोजित कार्यक्रमको प्रमुख अतिथि प्रदेश प्रमुख देवराज जोशी रहेका थिए भने कार्यक्रममा सुदूरपश्चिम प्रदेशका आर्थिक मामिला मन्त्री नरेश कुमार शाही विशेष अतिथि रहेका थिए । बाजुराको स्वामीकार्तिक खापर गाउँपालिकाका अध्यक्ष भरतबहादुर रोकाया, पत्रकार महासंघ सुदूरपश्चिमका अध्यक्ष योगेश रावल, पत्रकार महासंघ कैलालीका अध्यक्ष हिमाल जोशी, प्रदेश प्रमुखको कार्यालयका सचिव पुष्कर खड्कालगायत समारोहमा विभिन्न क्षेत्रमा आवद्ध अन्य व्यक्तिहरूको पनि उपस्थिति रहेको थियो ।
