बझाङ- बझाङको केदारस्यूँ गाउँपालिका-१ रायलमा रहेको गर्जेपानी माध्यमिक विद्यालयमा अध्यनरत बिद्यार्थीलाई पोशाक प्रदान गरिएको छ ।
कैलालीमा रहेको सुदूरपश्चिमकै बहुचर्चित शैक्षिक संस्था चैतन्य पाठशालाले उपलब्ध गराएको पोसाक विद्यार्थीहरूलाई प्रदान गरिएको हो।
बुधबार विद्यालयमा आयोजित एक कार्यक्रमकाबीच विद्यालय व्यवस्थापन समिति अध्यक्ष चित्रबहादुर मल्लले विद्यार्थीहरूलाई पोशाक प्रदान गरेको शिक्षक गजेन्द्र जप्रेलले जानकारी दिए।
सहयोगी संस्था चैतन्य पाठशालालाई कार्यक्रममा विद्यार्थीहरूको शैक्षिक तथा व्यक्तिगत विकासमा सहयोग पुर्याउने महत्वपूर्ण भुमिका निर्वाह गरेको भन्दै विद्यालय परिवारले हार्दिक आभार तथा धन्यवाद व्यक्त गरेको थियो ।
शिक्षक गजेन्द्र जप्रेलका अनुसार उक्त सहयोगका लागि आकांक्षा कपडा बैंकका संस्थापक पूर्णबहादुर मल्लको विशेष पहल रहेको छ।
विद्यालय परिवारले विद्यार्थीको हितमा गरिएको यस सहयोगले उनीहरूलाई थप प्रोत्साहन मिल्ने विश्वास व्यक्त गरेको छ।
Advertisement
