बझाङ- बझाङको थलारा गाउँपालिका-२ मा अविरल वर्षासँगै आएको बाढीले ठूलो क्षति पुर्याएको छ । आईतवार थलारा-२ रानीगाडमा आएको बाढी पहिरोले मानवीय क्षति नभए पनि पशुचौपाया र किसनहरुको खेतीयोग्य जमिनमा व्यापक क्षति पुर्याएको हो ।
बाढी पहिरोले ऐन वाडाका मदन ऐडीका ४ भैंसी र २ गाई बगाएको छ भने ७ बाख्रा बेपत्ता भएका वडा सचिव नवराज गिरीले जानकारी दिए ।
खोला किनार पानी खुवाउन लगिएका गाई भैंसी अचानक खोलामा आएको बाढीले बगाएको उनको भनाइ छ । संगै रहेका ९ वाख्रा मध्ये २ बाख्रा जिउदै भेटिए पनि ७ बाख्रा बेपत्ता हुन् ।
कफलकाडा करबीर आधारभूत विद्यालय सडकमा आएको भल र पहिरोले ऐनबाडा,टोटिवाडा र डोरगाउँमा खेतीयोग्य जमिन बगाएको र क्षतिको एकिन बिवरण संकलन भईरहेको समेत सचिव गिरिले बताए ।
