बढैपुर- कैलालीको गौरिगंगा नगरपालिकामा नि:शुल्क सीपमूलक तालिम सञ्चालन हुनेभएको छ ।
नगरपालिका र नेपाल युवा फाउन्डेसन नेपालको सहकार्यमा सीपमूलक तालिम सञ्चालन हुन लागेको हो ।
बेरोजगार, विपन्न र शिक्षाबाट वञ्चित युवालाई लक्षित गर्दै १ महिने निःशुल्क सीपमूलक तालिम सञ्चालन हुन लागेको नगरपालिकाले एक सूचना मार्फत जानकारी गराएको छ ।
नगरपालिकाद्वारा जारी सूचनामा १ महिने फ्रिज तथा एसी मर्मत र १ महिने कपाल काट्ने (बार्बर) सम्बन्धि तालिम प्रदान गर्ने भनिएको छ ।
नगरपालिकाले बढ्दो बेरोजगारी हटाउने र युवालाई स्वदेशमै सीप सिकाएर आत्मनिर्भर बनाउने लक्ष्य लिएको छ ।
तालिममा सहभागी हुन १८ वर्ष पूरा भइ ४० वर्ष ननाघेको हुनुपर्ने, नागरिकताको प्रमाणपत्रको प्रतिलिपि वडाको सिफारिस,शैक्षिक योग्यताको प्रमाणपत्र हुनुपर्नेछ । आवेदन दिने समय चैत्र २० गतेसम्म तोकिएको छ ।
नगरपालिकाले बेरोजगार युवालाई तालिममा सहभागी भइ सीप सिकेर आत्मनिर्भर बन्न तर्फ लाग्न अनुरोध गरेको छ ।
– नगरपालिका द्वारा जारी सूचना
