एस आर भट्ट – काठमाडौं,
ट्राफिक प्रहरी प्रभाग कलंकी, काठमाडौंको आयोजनामा “सडक सुरक्षा तथा ट्राफिक सचेतना सप्ताह विशेष सांस्कृतिक कार्यक्रम २०८२” भव्य रूपमा सम्पन्न भएको छ।
कार्यक्रमको उद्देश्य सडक सुरक्षा सम्बन्धी जनचेतना अभिवृद्धि गर्नुका साथै ट्राफिक नियमको पालना गर्न आम नागरिकलाई प्रेरित गर्नु रहेको कार्यक्रम का प्रमुख अतिथि एआइजीपी ईश्वर कार्की ज्यूले बताउनु भयो
सुदुरपश्चिमका डेउडा गायक तथा बौद्धिक व्यक्ति रोहित ढुंगाना गायीका गौरी भट्ट लगायत सुदुर पश्चिमका आधा दर्जन कलाकार स्थानीय बासिन्दा, सवारी चालक, विभिन्न संघ–संस्थाका प्रतिनिधि तथा ट्राफिक प्रहरीको उल्लेखनीय सहभागिता रहेको थियो।
कार्यक्रममा सडक दुर्घटना न्यूनीकरण, ट्राफिक नियमको महत्त्व, सुरक्षित यात्राको आवश्यकता लगायत विषयमा वक्ताहरूले मन्तव्य राखेका थिए।
साथै, ट्राफिक सचेतना सन्देशमूलक नाटक, गीत, नृत्य तथा सांस्कृतिक प्रस्तुतीहरू पनि प्रस्तुत गरिएको थियो, जसले दर्शकहरूलाई मनोरञ्जनसँगै सशक्त सन्देश प्रदान गरेको थियो।
ट्राफिक प्रहरी प्रभाग कलंकीका प्रमुख प्रहरी निरीक्षक राजीव बस्नेत ज्यूले सडक सुरक्षाका लागि प्रहरी मात्र नभई सम्पूर्ण नागरिकको सक्रिय भूमिका आवश्यक रहेको उल्लेख गर्दै ट्राफिक नियमको पूर्ण पालना गर्न सबैमा आग्रह गर्नुभयो।
यस्ता कार्यक्रमहरूले समाजमा सकारात्मक सोच विकास भई दुर्घटना न्यूनीकरणमा टेवा पुग्ने विश्वास व्यक्त गर्नु भएको थियो ।
कार्यक्रमको अन्त्यमा सहभागी कलाकार, स्वयंसेवक तथा सहयोगी संस्थाहरूलाई धन्यवाद ज्ञापन साथै सम्मान पत्र वितरण गरी कार्यक्रम औपचारिक रूपमा समापन काठमाडौं उपमहानगरपालिका वडा नं १४ का अध्यक्ष ज्यूले गर्नु भयो ।।
Advertisement
