हिमालयन लाइफ इन्स्योरेन्सद्वारा कम्पनि द्वारा मृत्यु दाबी भुक्तानी
हिमालयन लाइफ इन्स्योरेन्स लिमिटेड मसुरिया उपशाखाले एक बीमित परिवारलाई मृत्यु दाबी भुक्तानी प्रदान गरेको छ। कम्पनीको टोलीले बीमित परिवारको घरमै पुगेर सम्मानपूर्वक एक कार्यक्रमका बीच दाबी रकम हस्तान्तरण गरेको हो।
बीमा सुरक्षाले कठिन समयमा परिवारलाई आर्थिक सहारा उपलब्ध गराउने उद्देश्यअनुरूप, आवश्यक कागजात तथा प्रक्रिया पूरा भएपछि कम्पनीले दाबी रकम छिटो, सहज र पारदर्शी रूपमा उपलब्ध गराएको मसुरिया उपशाखाले जानकारी दिएको छ।
स्व. हर्क बहादुर साउद गाउले/छिमेकीको दाहसंस्कारका लागि जाँदै गर्दा ट्र्याक्टर दुर्घटनामा परि असामयिक निधन भएको थियो। उनले २०८२/०५/०५ मा मसुरिया उपशाखामार्फत रु. २ लाखको जीवन बीमा लिएका थिए र प्रथम बीमा शुल्क रु. ११,११०/- भुक्तानी गरेका थिए।
कम्पनीले बिमा तथा अन्य लागू हुने लाभअनुसार निम्न शीर्षकहरूमा भुक्तानी गरेको छ—
बीमाङ्क रकम : रु. २,००,०००
दोहोरो दुर्घटना लाभ : रु. २,००,०००
व्यक्तिगत दुर्घटना लाभ : रु. २,००,०००
कृया खर्च : रु. २०,०००
पार्थिव शरीर व्यवस्थापन खर्च : रु. १०,०००
बोनस : रु. ८,४००
यसरी कुल रु. ६,३८,४००/- दाबी रकम मृतकका परिवारलाई हस्तान्तरण गरिएको हो।
कार्यक्रममा बर्दगोरिया गाउँपालिका–४ का वडा अध्यक्ष श्री जगत बहादुर शाही, कम्पनीका प्रदेश उपप्रमुख श्री तारा सिंह बम, र मसुरिया उपशाखा प्रमुख श्री माया कुमारी बम जोशी ले जीवन बीमाले कठिन परिस्थितिमा परिवारको दीर्घकालीन सुरक्षामा महत्वपूर्ण भूमिका खेल्ने उल्लेख गर्दै, भविष्यमा दाबी प्रक्रियालाई अझ दक्ष, सहज र सेवा–मुखी बनाइने प्रतिबद्धता व्यक्त गरे।
हिमालयन लाइफ इन्स्योरेन्सले देशभर रहेका शाखामार्फत बीमित तथा अभिकर्ताहरूसँगको सहकार्यलाई अझ सुदृढ बनाउँदै ग्राहकमैत्री सेवा विस्तार गर्दै आएको छ।
