बेलडाँडी कंचनपुर ।
सिमान्त ग्रामिण पृष्ठभूमिमा जन्मिएका तर देश सेवा गर्ने ठूलो हृदय बोकेका कलौनी दाजुभाइ आज बेलडाँडी मात्र होइन, सुदूरपश्चिमका युवाहरूका लागि प्रेरणाको अद्भुत स्रोत बनेका छन्।
साधारण मध्यम वर्गीय घर, आमाको माया, बाबुको पसिना र देशलाई आफ्नो कर्मभूमि बनाउने दृढ विश्वास—यही मूल भावनाले दाजुभाइलाई जीवनको कठिन बाटोमा पनि पछि हट्न दिएन।
दाइ– रविन्द्र कलौनी : देशको माटो र जनताको सुरक्षामा समर्पित हृदय
नेपाल प्रहरीको असईबाट सुरु भएको उनले यात्रा केवल जागिरको चाहना थिएन,
यो देश, जनता र सीमाप्रतिको अद्भुत माया थियो।
रविन्द्रले भने “देशले हामीलाई जन्म दियो, पहिचान दियो। हामीले केही फर्काउनै पर्छ।”
यही विश्वासलाई हृदयमा राख्दै
निरन्तर अनुशासन, कठिन प्रशिक्षण र आत्मविकासमा समर्पित रहेर
उनी अहिले सशस्त्र प्रहरी निरीक्षक (APF Inspector) पदको अन्तिम नतिजामा टप १० भित्र स्थान प्राप्त गर्न सफल भएका छन्।
सफलतापछि उनले लेखेका भावपूर्ण शब्दहरू आज धेरै नेपाली युवाहरूको मन छुन्छ—
“दूधको भारा तिर्न आएको छु आमा, पल्टनमा…
बाबुले बगाएको पसिनालाई न्याय दिन
र अर्को पुस्तालाई देशप्रेमको अर्थ सिकाउन आएको छु। “
यो केवल एक सैनिकको भावना होइन—
देशको माटोलाई प्रेम गर्ने सपूतको प्रतिज्ञा हो।
भाइ– गोविन्द कलौनी : दाइको मार्गदर्शन, अनुशासनको दीप र सफलताको क्षितिज
गोविन्दले जीवनभरी रविन्द्रलाई मात्र दाइ होइन, गुरुका रूपमा पनि हेरे।
दाइको जीवनशैली, बोलाइ, चरित्र र जिम्मेवारी बुझ्दै उनले पनि आफ्नो लक्ष्य देश र जनताको सेवामा रहेको पुष्ठि पारिदिए ।
दाइको मार्गदर्शन, घरको संस्कार र आफ्नै श्रम
यी तीन आधारमा गोविन्द अहिले नेपाल प्रहरीको १७९औँ ब्याचमा असईका रूपमा पासआउट भएका छन्। उनले पनि देशको सेवा गर्ने चाहाना भएको त दाइ बाट थप उर्जा प्राप्त भएको कुरा बताए । आफू पनि थप मिहिनेत गरेर अझै सफल बन्ने चाहाना रहेको कुरा बताए ।
पासआउट समारोहमा आमाको आँखा रसाएको,
तर त्यो आँसु पीडाको होइन
गौरव, साहस र सफलताको आँसु थियो।
