धनगढी, कैलाली । कैलालीको फूलबारी–१४, डिपोबजारमा आज (भदौ १५ गते) न्यू रोहित फर्निचर सप्लायर्सको भव्य उद्घाटन भएको छ। आलोक मल्टी कन्सर्न प्रा. लि., चटकपुरको शाखाका रूपमा सञ्चालनमा आएको यो नयाँ फर्निचर पसलले यस क्षेत्रका ग्राहकलाई उच्च गुणस्तरका आधुनिक र परम्परागत शैलीका फर्निचर उपलब्ध गराउने लक्ष्य राखेको छ।
उद्घाटन समारोहमा स्थानीय जनप्रतिनिधि, व्यवसायी, उद्यमी, समाजका अगुवा तथा सर्वसाधारणको उल्लेखनीय उपस्थिति रहेको थियो। पसलका सञ्चालक दुर्गा प्रसाद जोशीका अनुसार, न्यू रोहित फर्निचर सप्लायर्सले धनगढी तथा आसपासका क्षेत्रमा सोफा, बेड, मोडुलर किचन, दराज, टेबुल, डाइनिङ टेबल, घुम्ने कुर्सी, कार्पेट, पर्दा, गलैचा, इलेक्ट्रिकल आइटम तथा अफिस फर्निचरलगायतका घर र कार्यालयका सम्पूर्ण सामग्री एकै ठाउँमा उपलब्ध गराउनेछ।
गुणस्तर र ग्राहक सेवामा विशेष ध्यान दिने लक्ष्य राखिएको यस फर्निचर पसलले यस क्षेत्रमा फर्निचर व्यवसायमा नयाँ आयाम थप्ने अपेक्षा गरिएको छ। साथै, यसले स्थानीय व्यापारिक गतिविधिमा उत्साह थप्ने र ग्राहकलाई सहज तथा सुविधाजनक खरिदको विकल्प प्रदान गर्ने विश्वास लिइएको छ।
