लक्ष्मीराज जोशी, बझाङ – बझाङको छबिसपाथिभेरा गाउँपालिकाले आर्थिक वर्ष २०८१÷०८२ मा स्वीकृत योजनाहरू तथा कार्यक्रमहरूको कार्यान्वयनमा उल्लेखनीय प्रगति हासिल गरेको छ । गाउँपालिकाले तोकिएको समयसीमाभित्र भुक्तानी कार्य सफलतापूर्वक सम्पन्न गरेको एक सूचना मार्फत जानकारी दिएको छ ।
गाउँपालिकाले आर्थिक पारदर्शिताको उदाहरणीय अभ्यास गर्दै आर्थिक वर्ष २०८१/०८२ को कुल बजेटमा ९० दशमलव ८० प्रतिशत खर्च गरेको छ ।
गाउँपालिका कार्यालयद्वारा जारी सूचनामा नीति, योजना तथा बजेट निर्माण र कार्यान्वयनमा अध्यक्ष, उपाध्यक्ष, जनप्रतिनिधि, कार्यालय टिम लगायत सबै पक्षको सक्रिय भूमिका रहेको उल्लेख गरिएको छ ।
कार्यक्रमको सफल कार्यान्वयनका लागि शाखा प्रमुख तथा सम्पूर्ण कर्मचारी र सरोकारवालाहरूको योगदानप्रति गाउँपालिकाले धन्यवाद प्रकट गरेको छ । पालिकाले
जारी विवरण अनुसार, आर्थिक वर्ष २०८१/ ०८२ को समग्र खर्च प्रगति यसप्रकार रहेको छः
गाउँपालिका अध्यक्ष बसन्त बहादुर चलाउनेका अनुसार, सार्वजनिक स्रोत तथा योजना कार्यान्वयनमा पारदर्शिता र समयमै कार्य सम्पन्न गर्नेतर्फ ध्यान दिइएको हो।
आर्थिक प्रशासन प्रमुख मुकेश कुमार थापा र प्रमुख प्रशासनिक अधिकृत संजय कुमार यादवले हस्ताक्षर गरेको उक्त सूचनामा जनप्रतिनिधि र कर्मचारीको समन्वयले लक्ष्यअनुसारको प्रगति गर्न सम्भव भएको उल्लेख छ ।
