बझाङ- बझाङको थलारा गाउँपालिकामा ९ जनालाई माटोको भाँडा बनाउने तालिम प्रदान गरिएको छ ।
परम्परागत सीपलाई आधुनिकीकरण गर्न बादी समुदायका महिला र पुरुष गरि ९ जनालाई १० दिने उक्त तालिम प्रदान गरिएको हो ।
स्थानीय स्रोत साधनको सदुपयोग गर्दै रोजगारमुखी सीप विकास गर्न तालिम प्रदान गरिएको प्रगतिशील युवा समाज सृजना परियोजना संयोजक बलबहादुर ओडले जानकारी दिए ।
सहभागीलाई माटो छान्ने, मिसाउने, भाँडा बनाउने, सुकाउने र पोल्ने जस्ता प्रक्रिया सिकाइएको थियोे ।
त्यसैगरी सहभागीले माटोको गमला, ठेकि, करुवा, घैटो, फुल राख्ने भास, दियो, कचौरा, धुप स्टेणणड कलस, ऐस्ट्रे र खुत्रुक्के बनाउन सिकेका छन् ।
तालिमको आयोजना थलारा गाउँपालिका र प्रगतिशील युवा समाज सृजना परियोजनाले गरेको हो ।
सहभागीले सिकेको सीप सदुपयोग गर्न सकेको व्यवसायी बन्नेछन् । उत्पादित चिजबस्तुको बजारीकरण र सीप भएकालाई स्थानीय सरकारले प्रोत्साहन गर्न तथा आवश्यक सामाग्री उपलब्ध गराउन जरुरी छ ।
