सुदूरपश्चिम प्रदेश युवा परिषद्को कार्यकारी उपाध्यक्षमा मंगलबार गजेन्द्र साउँद नियुक्त

सुदूरपश्चिम प्रदेश युवा परिषद्को कार्यकारी उपाध्यक्षमा मंगलबार गजेन्द्र साउँद नियुक्त भएका छन् । राष्ट्रिय तथा अन्तर्राष्ट्रियस्तरमा नेपालका लागि कराते खेलमार्फत योगदान पुर्‍याउँदै आएका साउँदले अब युवा नेतृत्वको क्षेत्रमा पनि जिम्मेवारी सम्हाल्ने भएका हुन् । प्रदेश सरकारद्वारा उनलाई उक्त जिम्मेवारी दिइएको हो ।उनले प्रदेशको युवा नीतिहरू निर्माण, कार्यान्वयन तथा कार्यक्रम सञ्चालनमा उल्लेखनीय भूमिका खेल्ने विश्वास व्यक्त गरेका छन् ।’सुदूरपश्चिमका युवाहरूको आवाज सरकारसमक्ष पुर्‍याउने, अवसर सिर्जना गर्ने र उनीहरूको क्षमता उजागर गर्ने कार्यमा म समर्पित रहनेछु।’कार्यकारी उपाध्यक्ष साउँदले भने ।