डडेल्धुरा : सुदूरपश्चिम प्रदेश सरकारकी सामाजिक विकास राज्यमन्त्री सरस्वती खड्काले डडेल्धुराको अमरगढी नगरपालिका–१ स्याउलेमा निर्माण गरिएको ‘रिफ्रेस सेन्टर’ आइतबार औपचारिक रूपमा उद्घाटन गरेकी छन्।
यह केन्द्र सवारी चालक, सहचालक र यात्रुहरूको सुविधाका लागि बनाइएको हो, र यसले प्रदेशका सात पहाडी जिल्लामा सवारी आवतजावतको प्रमुख प्रवेशद्वारको रूपमा कार्य गर्ने अपेक्षा गरिएको छ।
उद्घाटन कार्यक्रममा बोल्दै मन्त्री खड्काले शान्ति सुरक्षा सुदृढ बनाउन सबै पक्षको सहकार्य आवश्यक रहेको धारणा राखिन्। उनले सुदूरपश्चिममा फैलिँदो लागुऔषध दुव्र्यसनप्रति गम्भीर चिन्ता व्यक्त गर्दै स्थानीय तहहरूलाई अझ बढी जिम्मेवार र सक्रिय बन्न आग्रह गरिन्।
उक्त अवसरमा मन्त्री खड्काले जिल्ला प्रहरी कार्यालय डडेल्धुरालाई लागुऔषध परीक्षणका लागि १०० थान चेकजाँच किट हस्तान्तरण गरिन्।
जिल्ला प्रहरी कार्यालय डडेल्धुराका प्रमुख, प्रहरी नायब उपरीक्षक (डीएसपी) शुगन्ध श्रेष्ठका अनुसार, कैलालीको अत्तरियापछि डडेल्धुरा प्रदेशको दोस्रो रिफ्रेस सेन्टर हो। उनले सडक सुरक्षामा योगदान पुर्याउने अपेक्षासहित केन्द्रको उपयोगिता उच्च हुने विश्वास व्यक्त गरे।
