काभ्रेपलाञ्चोकमा स्कुल नर्स तालिमको सातौं ब्याच कार्यक्रम सम्पन्न भएको छ। विद्यालय स्वास्थ्य सेवाको सुदृढीकरणका लागि स्वास्थ्य शिक्षा चेतना तथा अधिकार नेपाल (हियर नेपाल ) द्वारा सञ्चालित उक्त तालिम सम्पन्न भएको हो ।
दिनसम्म चलेको तालिममा विद्यालय स्वास्थ्य सेवाका लागि आवश्यक ज्ञान, सीप र व्यवहारिक पक्षहरू बारे व्यापक प्रशिक्षण दिइएको थियो।
कार्यक्रमका प्रमुख अतिथि बागमती प्रदेश स्वास्थ्य तालिम केन्द्रका निर्देशक रहनु भएको थियो । । उनलेे विद्यालयमा गुणस्तरीय स्वास्थ्य सेवा प्रदान गर्न नर्सहरूको भूमिका महत्त्वपूर्ण रहेको बताउँदै, तालिमले विद्यालय नर्सहरूलाई व्यवहारिक रूपमा दक्ष बनाउने विश्वास व्यक्त गरे । त्यस्तै उनलेे विद्यालय स्वास्थ्य सेवालाई प्रभावकारी बनाउन सरकारी निकाय, विद्यालय प्रशासन, नर्सहरू र सरोकारवालाहरूबीच समन्वय आवश्यक रहेको उल्लेख गरेका थिए ।
तालिमका विशेष अतिथि काभ्रेपलाञ्चोक जिल्ला जनस्वास्थ्य कार्यालय प्रमुख राघिश्री कक्षापती रहेका थिए। उनलेे विद्यालयहरूमा स्वास्थ्य सेवा प्रवर्धनका लागि योग्य र दक्ष नर्सहरूको आवश्यकताबारे प्रकाश पार्दै, सो तालिमले विद्यालय स्वास्थ्य सेवाको गुणस्तर अभिवृद्धि गर्ने बताए ।
तालिमको प्रमुख प्रशिक्षक मन्दिरा शाही र कुन्ज प्रशाद जोशीले सहभागी नर्सहरूलाई तालिममा सिकाइएका सीपहरू विद्यालयमा कार्यान्वयन गर्न निर्देशन दिए। प्रशिक्षकहरूले किशोराअवस्था तथा किशोरी स्वास्थ्य, प्रजनन स्वास्थ्य, मानसिक स्वास्थ्य, पोषण, यौन दुर्व्यवहार तथा हिंसाबाट बच्ने उपाय, महिनावारी व्यवस्थापन र प्राथमिक उपचार जस्ता महत्वपूर्ण विषयहरूमा प्रशिक्षण प्रदान दिएका हुन् ।
सहभागी नर्सहरूले तालिममा सिकेका कुराहरू विद्यालयहशरमा लागु गर्ने प्रतिबद्धता व्यक्त गरेका छन् ।
तालिम कार्यक्रमको समापन हियर नेपालका अध्यक्ष माधव जोशी अध्यक्षमा गरिएको हो । अध्यक्ष जोशीले सहभागी नर्सहरूलाई विद्यालय स्वास्थ्य कार्यक्रमलाई अझ प्रभावकारी बनाउन सधैं प्रेरित रहन आग्रह गरे ।
स्वास्थ्य शिक्षा चेतना तथा अधिकार नेपालले आगामी दिनहरूमा थप जिल्लाहरूमा ,स्कुल नर्स तालिम सञ्चालन गर्ने योजना बनाएको छ, जसले विद्यालय स्वास्थ्य सेवाको दायरा फराकिलो पार्ने र विद्यार्थीहरूको समग्र स्वास्थ्य सुधारमा योगदान पुर्याउनेछ।
विद्यालय नर्सहरू विद्यालय स्वास्थ्य प्रणालीको मेरुदण्ड हुन्। यस्तो तालिमले उनीहरूलाई व्यवहारिक रूपमा दक्ष बनाउनुका साथै विद्यार्थीहरूलाई स्वास्थ्य सुरक्षाको पहुँचमा ल्याउन मद्दत गर्दछ। काभ्रेपलाञ्चोकमा सम्पन्न सातौं ब्याचको यो तालिमले विद्यालय नर्सहरूलाई सशक्त बनाएको छ, जसले आगामी दिनमा विद्यालय स्वास्थ्य सेवामा महत्वपूर्ण सुधार ल्याउनेछ।
