कैलाली- कैलालीको सुखडमा रहेको घोडाघोडी बहुमुखी क्याम्पसको स्ववियु सभापति पदमा गणेश भण्डारीले आफ्नो उम्मेदवारी रहेको बताएका छन् । आउँदो चैत २३ गते हुने त्रिवि मातहत रहेको घोडाघोडी बहुमुखी क्याम्पसको स्ववियु सभापति पदमा आफ्नो उम्मेदवारी रहेकोे भण्डारीले कामना टुडेसँग बताएका हुन् ।
बिगत लामो समय देखि विद्यार्थीका हक अधिकारको लागि लड्दै आएका विद्यार्थी नेता भण्डारीले अखिल क्रान्तिकारीबाट स्ववियु सभापति पदमा उम्मेदवारी घोषण गरेका छन् ।भण्डारीले निर्वाचन जिते दबाब र प्रभावमा नपरि सत्य र न्यायका पक्षमा उभिने बताए । उनलेे आफ्नो प्यानललाई विद्यार्थीले निर्वाचनमा अमुल्य मतदान गरि विजय गराए नेता बनेर होइन विद्यार्थीको असल साथी (सहजकर्ता) को भूमिका खेल्ने कामना टुडेसँग बताए ।
त्यस्तै भण्डारीले हाम्रो भन्दा राम्रोलाई विद्यार्थीले चुन्ने हुँदा घोडाघोडी बहुमुखी क्याम्पसको हरेक बिकासमा आफू लागिपरेको बताउँदै विद्यार्थीलाई एक चोटि अमुल्य मतदान गरि विजय गराउन समेत अनुरोध गरेका छन् । उनलेे विद्यार्थी भनेको आफैमा निर्णय लिन सक्ने क्षमता भएका जनशक्ति हुन्, क्याम्पसको हकहितका लागि कहिले पनि पछि नहट्ने छैन। विद्यार्थी र बिद्यालय एक अर्काका परिपुरक हुन विद्यार्थी बिना बिद्यालय र बिद्यालय बिना विद्यार्थीको परिकल्पना गर्न सकिँदैन त्यसैले विद्यार्थी र बिद्यालयको हकहितको लागि आफ्नो उम्मेदवारी रहेको उनको भनाइ छ ।
चैत्र २३ गते हुने स्ववियु निर्वाचन केवल एक औपचारिक प्रक्रिया होइन, यो हाम्रो शैक्षिक भविष्य सुरक्षित गर्ने क्रान्तिकारी अवसर हो।
भण्डारीको चुनावी एजेन्डा
भण्डारीले आफूले स्ववियु जिते सस्तो, गुणस्तरीय, र पहुँचयोग्य शिक्षा बनाउन तर्फ लाग्ने बताए ।
यस्तै छात्रवृत्ति, पुस्तकालय, खेलकुद, र प्राविधिक साधनहरूको सहज उपलब्धता तथा मनपरी शुल्क वृद्धि, प्रशासनिक ढिलासुस्ती, र अन्यायविरुद्ध सशक्त संघर्श
गर्ने उनको भनाइ छ ।
किन हुन सकेन चैत ५ गते स्ववियु निर्वाचन
चैत ५ गते स्ववियु निर्वाचन हुन नसकेको घोडाघोडी क्याम्पसमा अब चैत्र २३ गते निर्वाचन हुने भएको हुँदैछ ।
त्रिभुवन विश्वविद्यालय मातहत रहेको सो क्याम्पसमा मतदाता नामावलीको विषयलाई लिएर सहमति नजुटेपछि निर्वाचन स्थगित गरिएको थियोे ।
क्याम्पसमा विद्यार्थी नामावलीको विषयमा सहमति नजुटेपछि फागुन २६ गते नेपाल विद्यार्थी संघ (नेविसंघ) ले निर्वाचन कार्यालयमा तालाबन्दी गर्दा निर्वाचन प्रकृया रोकिएको थियो ।
समस्या समाधानका लागि विद्यार्थी संगठनहरु बिच पटक पटक छलफल गर्दा कुनै समाधान नभएपछि निर्वाचन संयोजक पुष्पराज जैशीले निर्वाचन स्थगितको सूचना जारी गर्दै थप सहमतिकालागि क्याम्पस प्रशासनलाई जिम्मा दिएका थिए ।
तर निर्वाचन स्थगितको सूचना आए लगत्तै अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) ले क्याम्पस प्रशासनमा ताला लगाएको थियो । नयाँ निर्वाचन समिति गठन गरी नयाँ ढङ्गले निर्वाचन प्रक्रिया अगाडी बढाउने सहमतिपछि बिहीबार विद्यार्थी संगठनहरु चैत्र २३ गते निर्वाचन गर्न सहमत भएको जनाइएको छ ।
•
