कैलाली जिल्लामा प्रहरीको कर्डन एण्ड स्विप अपरेसनअन्तर्गत लागू औषध कारोबारमा संलग्न १० जनालाई पक्राउ गरिएको छ। जिल्ला प्रहरी कार्यालय कैलाली तथा मातहतका प्रहरी कार्यालयबाट खटिएको टोलीले धनगढी उपमहानगरपालिका, टीकापुर नगरपालिका, र विभिन्न स्थानबाट लागू औषधसहित उनीहरूलाई पक्राउ गरेको हो।
प्रहरीले विभिन्न स्थानमा अपरेशन गरी ८ ग्राम ४९० मिलिग्राम खैरो हेरोइन र ६९ ग्राम ३४० मिलिग्राम चरेश बरामद गरेको छ।
पक्राउ र बरामद भएका स्थानहरू
1.धनगढी उपमहानगरपालिका-०२, भन्सार नजिक
•खैरो हेरोइन: ६ ग्राम १८० मिलिग्राम
•पक्राउ: मोहन राना (३४), कञ्चनपुर कृष्णपुर नपा-०७
2.धनगढी उपमहानगरपालिका-१०, घुईयाघाट
•खैरो हेरोइन: ८४० मिलिग्राम
•पक्राउ: प्रभुपन राना (२५) र अमन राना (१८), कैलाली धनगढी नपा-०७
3.टीकापुर नगरपालिका-०२, आखाँ अस्पताल नजिक
•खैरो हेरोइन: ८० मिलिग्राम
•पक्राउ: विक्रम बुढा (२३) र मिलन टमटा (१९), टीकापुर नपा-०२
4.धनगढी उपमहानगरपालिका-१३, झोलुङ्गे पुल नजिक
•खैरो हेरोइन: ८९० मिलिग्राम
•पक्राउ: प्रदिप राना (२४) र अनिल राना (३०), कञ्चनपुर कृष्णपुर नपा-०९
5.धनगढी उपमहानगरपालिका-०२, त्रिनगर भन्सार चोक
•खैरो हेरोइन: ५०० मिलिग्राम
•पक्राउ: बाहाली राना (२९) र दीपक राना (३१), कैलाली धनगढी नपा-१३ र ०६
6.धनगढी उपमहानगरपालिका-०३, केदार टोलस्थित नास्ता पसल
•चरेश: ६९ ग्राम ३४० मिलिग्राम
•पक्राउ: पसल सञ्चालक (नाम खुलाइएको छैन), बैतडी पाटन नपा-०८
थप अनुसन्धान जारी
पक्राउ परेकाहरूलाई जिल्ला प्रहरी कार्यालय कैलालीमा राखी लागू औषध नियन्त्रण ऐनअन्तर्गत मुद्दा चलाउन प्रक्रिया अघि बढाइएको छ। प्रहरीका अनुसार लागू औषध नियन्त्रणका लागि यस प्रकारका अपरेसन नियमित रूपमा सञ्चालन गरिने छ।
