नेपाल प्रिमियर लिग (एनपिएल) मा सुदूरपश्चिम रोयल्सले पोखरा एभेन्जर्सलाई १ सय ९४ रनको लक्ष्य दिएको छ । टस हारेर ब्याटिङको मौका पाएको सुदूरपश्चिमले निर्धारित २० ओभरमा ७ विकेट गुमाएर १ सय ९३ रन बनाएको थियोे ।
सुदूरपश्चिम रोयल्सका अष्ट्रेलियन ब्याटर जोस ब्राउनले सानदार ब्याटिङ गरे । ३५ बलको सामना गरेका उनले ६ चौका र पाँच छक्का प्रहार गर्दै ६८ रन बनाए ।
त्यस्तै, क्रिस लिनले पनि १२ बलमा ३१ रनको उत्कृष्ट पारी खेलेका थिए । साथै ओपनिङ ब्याटर विनोद भण्डारीले ४३ तथा कप्तान दीपेन्द्र सिंह ऐरीले १५ रन जोडे ।
पोखराका लागि बलिङमा जिमी निशमले सर्वाधिक तीन विकेट लिए । त्यस्तै, डान डाउथवेट र आकाश चन्दले दुई-दुई विकेट लिए
जारी प्रतियोगितामा सुदूरपश्चि र पोखराको यो दोस्रो खेल हो । रोयल्सले पहिलो खेलमा जित तथा पोखराले हार व्यहोरेको थियो । खेल ४ बजेबाट त्रिवि क्रिकेट रंगशालामा सुरु भएकाे थियाे ।
