बझाङ- बझाङमा दोस्रो पटक महिला वडासभापति चयन भएकी छन्। राष्ट्रिय स्वतन्त्र पार्टीको तर्फबाट केदारस्युँ गाउँपालिका–४ मा सम्पन्न वडाभेलाले गीता कुमारी सिंहलाई वडासभापति चयन गरेको हो।
भेलाले सिंहको नेतृत्वमा ९ सदस्यीय वडा समिति गठन गरेको छ। जसमा उपेन्द्र बहादुर मल्ल उपसभापति, उत्तम बहादुर मल्ल सचिवसहित अन्य सदस्य चयन गरिएको राष्ट्रिय स्वतन्त्र पार्टी जिल्ला समिति, बझाङले जनाएको छ ।
महिला नेतृत्वलाई प्राथमिकतामा राख्दै ऐतिहासिक रूपमा निर्वाचित सिंहको नेतृत्वबाट वडा मात्र नभई सम्पूर्ण बझाङकै महिला सशक्तीकरण अभियान अझ सशक्त हुने अपेक्षा गरिएको छ। यसअघि दुर्गाथलि गाउँपालिका- ५ मा वडा सभापतिको जिम्मेवारी अनु कडायतले पाइसकेकी छिन् ।
सम्पादित समाचार
