गोविन्द बोहरा, युएई- अछामी सम्पर्क समिति युएईको पहिलो अधिवेशन आइतबार सम्पन्न भएको छ। अधिवेशनले प्रेमबहादुर बोगटी (भीम) को अध्यक्षतामा १६ सदस्यीय नयाँ कार्यसमिति सर्वसम्मतिमा चयन गरेको हो।
समितिका संस्थापकमा मिट्ठु कुँवर रहेका छन् भने संरक्षकमा शिवराज तिमिल्सैना चयन भएका छन्। प्रमुख सल्लाहकारमा गणेशराज जोशी रहेका छन् भने सल्लाहकारहरूमा भरत ओली, राजेश्वरी शाही ठकुरी, निर्प बिक, अशोक बोगटी, रमेश धामी र राजु बिष्ट रहेका छन्।
नयाँ कार्यसमितिका पदाधिकारीहरू निम्नानुसार छन्:
वरिष्ठ उपाध्यक्ष: लोकेन्द्र खड्का
महिला उपाध्यक्ष: राजेश्वरी बिक
उपाध्यक्ष: बमबहादुर कुँवर
महासचिव: विनोद लुहार
सचिव: रविन थापा
सह–सचिव: पूर्णिमा बोगटी
कोषाध्यक्ष: नैन भूल
सह–कोषाध्यक्ष: मेनका खड्का
त्यसैगरी, सदस्यहरूमा चन्द्र भण्डारी, हिमाल खड्का, निर्प रेग्मी, कृष्ण खड्का, जितेन्द्र कुँवर र धनबहादुर खड्का रहेका छन्।
अध्यक्ष बोगटीले सर्वसम्मतिबाट चयन भएको समितिले सुदूरपश्चिमको विकट जिल्ला अछामलाई एक सूत्रमा बाँध्न भूमिका खेल्ने विश्वास व्यक्त गरे। उनले स्वदेश तथा विदेशमा रहेका पीडित अछामी दाजुभाइ तथा दिदीबहिनीहरूको समस्यामा मलम लगाउने उद्देश्यले समिति गठन गरिएको जानकारी दिए।
समिति गठनपछि अध्यक्ष बोगटीले नव निर्वाचित सम्पूर्ण पदाधिकारी तथा सदस्यहरूलाई बधाई दिँदै सफल कार्यकालको शुभकामना समेत व्यक्त गरे।
