बझाङको साइपाल गाउँपालिका–१ का वडा अध्यक्ष तथा गाउँपालिकाका प्रवक्ता नरेन्द्र धामीले दुर्गाथलीस्थित मदन भण्डारी बाल आश्रमलाई नगद तथा सामग्रीसहित करिब २० हजार रुपैयाँ बराबरको सहयोग गरेका छन् ।
प्रवक्ता धामीले आश्रममा आश्रित विपन्न तथा असहाय बालबालिकाको हेरचाह, शिक्षा र दैनिक आवश्यकतामा टेवा पुगोस् भन्ने उद्देश्यले रु १४,००० नगद र बाँकी रकम बराबरको खाद्यान्न तथा अन्य सामग्रीहरू हस्तान्तरण गरेका हुन् । सहयोग हस्तान्तरण कार्यक्रममा दुर्गाथली गाउँपालिकाका उपाध्यक्ष, वडाध्यक्षहरू र अन्य जनप्रतिनिधिहरू पनि उपस्थित थिए ।
अध्यक्ष तथा प्रवक्ता धामीले समाजका असाहाय बालबालिकाप्रति सबैको उत्तरदायित्व रहेको उल्लेख गर्दै, यस्ता संस्थाहरूप्रति उनीहरू पनि सिक्नुपर्ने र सक्रिय रूपमा सहयोग गर्नुपर्ने सन्देश दिएका छन् । बालबालिकाको भविष्य निर्माणमा यस्ता संस्थाहरूको भूमिका महत्वपूर्ण छ,” धामीले भने, हामी सबैले सामूहिक रूपमा सक्दो सहयोग गरेर उनीहरूको जीवन उज्यालो बनाउनुपर्छ ।
सामाजिक कार्यमा सक्रिय रहँदै आएका धामीले यसअघि पनि विभिन्न ठाउँमा विपद् पीडित, विद्यालय, अपांगता भएका व्यक्तिहरू र स्वास्थ्य संस्थाहरूलाई निरन्तर सहयोग गर्दै आएका छन्। उहाँको यस्तो सेवाभाव र समर्पणले उनलाई समुदायमैत्री नेता बनाएको छ । मदन भण्डारी बाल आश्रमका प्रतिनिधिहरूले अध्यक्ष तथा प्रवक्ता धामीप्रति आभार व्यक्त गर्दै, यस्ता सहयोगहरूले आश्रमका बालबालिकामा हौसला र आत्मबल थपिएको बताएका छन् ।
