बझाङ- नेकपा (एमाले) जिल्ला कमिटी बझाङले गणतन्त्रका कुराहरुलाई जनता सम्म पुर्याउनका लागि जागरण सभा गर्ने भएको छ । शनिबार पार्टी कार्यालय पानकोटमा नागरिक समाज र पत्रकारहरु संग गणतन्त्रको पक्षमा गरिएको अन्तरसंवाद कार्यक्रममा जनताहरुलाई गणतन्त्रको बारेमा सचेतना फैलाउनुपर्ने सुझाव आएपछी उक्त जागरण सभाको आयोजना गर्ने नेकपा (एमाले) जिल्ला कमिटी उपसचिव पंकज भण्डारीले बताए । शनिबार गरिएको अन्तरसंवाद कार्यक्रममा सहभागीहरुले पार्टी भित्र पनि आन्तरिक लोकतन्त्र बलियो बनाउनुपर्ने बताएका थिए । राजनितीकदलहरुका केहि नराम्रा कामहरुले पनि राजावादीहरु सलबलाउन थालेको सहभागीहरुको भनाई थियो ।
राजतन्त्र आएपछी केहुन्छ भन्नेकुरा हिजोको राजावादीको आन्दोलनको घटनाले देखाई सकेको संविधान सभासदस्य तथा नेकपा (एमाले)का केन्द्रीय सदस्य अफिलाल ओखेडाले बताए । राजतन्त्रले यसरीनै हत्या, हिंसा गर्ने भएकाले हिजोको आन्दोलनले उक्त कुराको पुष्टि गरेको बताए । कार्यक्रममा बोल्दै सुदुरपश्चिम प्रदेशका पुर्व सभामुख अर्जुनबहादुर थापाले गणतन्त्रको पक्षमा जनचेतना फैलाउन सबैलाई आग्रह गरेका छन् ।
अहिले राजावादीहरुले गणतान्त्रीक व्यवस्थालाई हतोउत्साहित गराउन खोजेको नेकपा (एमाले)का केन्द्रीय सदस्य तथा बझाङ जिल्ला इन्चार्ज भैरव बहादुर सिंहले आरोप लगाएका छन् । हिजोको आन्दोलनको क्षतीपुर्ति ज्ञानेन्द्र शाहलाई तिराएर प्रकाउ गर्नुपर्ने सिंहले बताए । पार्टी केन्द्रको सर्कुलर अनु्सार चैत १८ गते हुने जागरण सभामा जनतामा आएका निरासालाई चिर्ने र गणतन्त्रका विषयमा सचेतना फैलाउने नेकपा (एमाले) जिल्ला कमिटी अध्यक्ष दिल बहादुर भण्डारीले बताए ।
