धनगढी- डडेल्धुराको शीर्ष साना किसान कृषि सहकारी संस्था लिमिटेडमा रकम चोरी गरेको आरोपमा अध्यक्ष सहित ५ जना पक्राउ परेका छन् ।
सहकारीबाट रकम चोरी भएको एक वर्षपछि प्रहरीले अध्यक्ष बिरेन्द्र बिष्ट सहित पाँच जनालाई पक्राउ गरेको हो ।
त्यस्तै पक्राउ पर्नेमा सहकारीका प्रबन्धक हरिशप्रसाद भट्ट, सहायक प्रबन्धक सुमित्रा भट्ट लगायत अन्य सहकारीसँग आबद्ध व्यक्तिहरू पनि रहेका छन् ।
प्रारम्भिक अनुसन्धानको क्रममा चोरीमा उनीहरूको संलग्नता देखिएकोले थप अनुसन्धान थालिएको
जिल्ला प्रहरी कार्यालयका प्रहरी नायब उपरीक्षक सुगन्ध श्रेष्ठले बताए
गत चैत २३ मा परशुराम नगरपालिका–४ कटालस्थित उक्त सहकारीको कार्यालयबाट ११ लाख १३ हजार चोरी भएको थियो ।
कार्यालयको पछाडिको ढोका खोलेर नगद राखिएको लकर फुटाइ रकम चोरी भएको थियो। सीसीटीभी फुटेजको आधारमा अनुसन्धान जारी राखिएको थियो ।
