कैलाली – समाजवादी प्रेस संगठनका कैलाली उपाध्यक्ष भरत साउँद (आलोक) प्रेस चौतारी नेपालमा प्रवेश गरेका छन्। प्रेस चौतारी नेपाल सुदूरपश्चिम प्रदेशको दोस्रो अधिवेशनका अवसरमा केन्द्रीय अध्यक्ष गणेश बस्नेतले उनलाई चौतारीमा स्वागत गरेका हुन्।
साउँदसँगै पत्रकार दिपेन्द्र बुढा र प्रेम विश्वकर्मा पनि प्रेस चौतारी नेपालमा प्रवेश गरेका छन्। नयाँ संगठनमा आबद्ध भएपछि उनीहरूले समाजवादी प्रेस संगठनमा आफ्नो भविष्य नदेखेकाले चौतारी रोजेको प्रतिक्रिया दिएका छन्।
सुदूरपश्चिममा पत्रकारितासम्बन्धी गतिविधि तीव्र भइरहेका बेला प्रेस चौतारी नेपालमा नयाँ सदस्यहरूको प्रवेशलाई महत्त्वपूर्ण रूपमा हेरिएको छ। अध्यक्ष बस्नेतले नयाँ सदस्यहरूप्रति स्वागत गर्दै पत्रकारिताको मर्यादा र स्वतन्त्रताको पक्षमा एकताबद्ध भएर अघि बढ्नुपर्ने धारणा राख्नुभयो ।
