धनगढी- क्रिकेटको सहर धनगढीमा भएको एसपीए कैलाली प्रिमियर लिगको उपाधि भीमदत्त नगरपालिकाले जितेको छ ।
बुधबार धनगढीस्थित फाप्ला अन्तर्राष्ट्रिय मैदानमा सम्पन्न भएको तेस्रो संस्करणको उक्त उपाधि कञ्चनपुरको भीमदत्त नगरपालिकाले जितेको हो ।
उपाधिका लागि पुनर्वास नगरपालिकालाई ५ विकेटले पराजित गर्दै भीमदत्तले उपाधि जितेको हो।
उपाधिसँगै भिमदत्तले नगद २ लाख जितेको छ। उपविजेता बनेको पुनर्वासले एक लाखमा चित्त बुझाएको छ।
यस्तै प्रतियोगितामा भिमदत्त नगरपालिका अरुण ऐरी सर्वोकृष्ट खेलाडी भए। उनले नगद २५ हजार प्राप्त गरे। उनी दुई खेलमा प्लेर अफ दि म्याच भएका थिए भने प्रतियोगितामा उनले १० विकेट लिएका थिए। पुर्नवास नगरपालिका दिपक बोहोरा उत्कृष्ट ब्याटर भए। उनले नगद १५ हजार पाए। उनले प्रतियोगितामा एक सय ८२ रन बनाएका थिए।
त्रिवेणी नगरपालिकाका दिपक टमट्टा उत्कृष्ट बलर भए। उनले पनि नगद १५ हजार प्राप्त गरे। उनले प्रतियोगितामा १० विकेट लिएका थिए धनगढी उपमहानगरपालिका मनिष जोशी उदयमान खेलाडी भए। उनले नगद १० हजार प्राप्त गरे।
प्रतियोगिताका विजयी खेलाडीहरुलाई सुदुरपश्चिम प्रदेश सरकारको सामाजिक विकास राज्यमन्त्री सरस्वती खड्काले पुरस्कार प्रदान गर्नुभएको थियो ।
