कैलारीको पवेरा सामुदायिक वनको १५औं साधारणसभा सम्पन्न
रमित ओली,हसुलिया- कैलालीको कैलारी गाउँपालिका-५ स्थित पवेरा सामुदायिक वन उपभोक्ता समूहको वार्षिक साधारणसभा सम्पन्न भएको छ। आर्थिक वर्ष २०८१/०८२ को आयव्यय सार्वजनिक सुनुवाइ जनलेखापरीक्षण तथा १५औं साधारणसभा बिहीबार सम्पन्न भएको हो।
कार्यक्रममा समूहले गत आर्थिक वर्षको आयव्यय विवरण प्रस्तुत गर्दै आर्थिक पारदर्शिता कायम गर्ने प्रतिबद्धता जनाएको छ। साथै सार्वजनिक सुनुवाइमार्फत उपभोक्ताहरूबाट सुझाव तथा प्रतिक्रिया समेत संकलन गरिएको थियो।
स्थानीय उपभोक्ता, सरोकारवाला तथा समूहका पदाधिकारीहरूको सहभागितामा सम्पन्न कार्यक्रममा वन संरक्षण, व्यवस्थापन र दीगो उपयोगका विषयमा पनि छलफल गरिएको थियो।
बनका अध्यक्ष कन्या थारुको अध्यक्षतामा भएको कार्यक्रम प्रमुख अतिथि सिएफसिसिका सचीव संदिप चौधरी रहनु भएको थियोे ।...
