बझाङ- बझाङमा प्रथम कृषि, पर्यटन, व्यापार तथा सिलदेवी मेला महोत्सव हुने भएको छ। उद्योग वाणिज्य संघको आयोजनामा बझाङको पहिचान, कृषि पर्यटन र पानी , स्थानीय उत्पादन उद्यमशिलतामा लगानी भन्ने नारासहित प्रथम बझाङ कृषि, पर्यटन, व्यापार तथा सिलदेवी मेला महोत्सव–२०८२ हुने भएको हो।
संघले जारी गरेको सूचनाअनुसार महोत्सव आगामी असोज २० गतेदेखि २९ गतेसम्म चल्नेछ।
चैनपुर बजार, ठूलागडा क्षेत्रमा आयोजना हुने महोत्सवमा राष्ट्रिय कलाकारहरूको प्रस्तुति, बाल उद्यान, स्थानीय परम्परागत संस्कृति र विभिन्न प्रदर्शनी हुने छन्।
जिल्लामा सिलदेवी मेला हरेक वर्ष मनाईदै आएको भएपनि कृषि, पर्यटन, व्यापार मेला पहिलोपटक लाग्न लागेको हो ।
जिल्लाको कृषि उत्पादनलाई प्रवर्द्धन गर्ने, पर्यटन क्षेत्रको सम्भावना उजागर गर्ने, स्थानीय व्यवसायलाई प्रोत्साहन गर्ने र परम्परागत संस्कृति संरक्षण तथा प्रचार गर्नका लागि प्रथम कृषि, पर्यटन, व्यापार तथा सिलदेवी मेला महोत्सव आयोजना गर्न लागेको उद्योग बाणिज्य
संघका अध्यक्ष दान बहादुर सुर्मेलीले बताए । उनका अनुसार महोत्सवले बझाङको सांस्कृतिक पहिचानलाई देश–विदेशमा चिनाउने अवसर प्रदान गर्नेछ।
