१७ वर्षीया सम्झना भट्टको रहस्यमय मृत्युः प्रेम विवाहपछिको पाँच महिनामै झुन्डिएको अवस्थामा शव फेला
कञ्चनपुर, बेलडाँडी | कञ्चनपुरको बेलडाँडी गाउँपालिका–२ स्थित सिहपाल टोलकी १७ वर्षीया सम्झना भट्ट आफ्नै घरको कोठामा झुन्डिएको अवस्थामा मृत फेला परेकी छन्। पाँच महिनाअघि प्रेम विवाह गरेकी सम्झनाको मृत्यु रहस्यमय बनेको छ, किनभने घटनाको केही घण्टा अघिमात्रै उनले “मलाई बचाउनुहोस्” भन्ने अन्तिम फोनकल गरेकी थिइन्।
सम्झना हाल कक्षा १२ मा अध्ययनरत थिइन्। उनको शव बन्द कोठामा सलको पासोमा झुन्डिएको अवस्थामा भेटिएको जिल्ला प्रहरी कार्यालय कञ्चनपुरले जनाएको छ। घटनापछि मृतकका परिवारले यो आत्महत्या नभई योजनाबद्ध हत्या भएको दाबी गर्दै श्रीमान् पवन भट्टसहित उनका परिवारजनविरुद्ध किटानी जाहेरी दिएका छन्।
श्रीमान्, सासू-ससुरा पक्राउ, देवरानी फरार
प्रहरीले उजुरीका आधारमा २४ वर्षीय श्रीमान् पवन भट्ट, उनकी आमा ४० वर्षीया किरण भट्ट र बुबा ५० वर्षीय हरिकृष्ण भट्टलाई पक्राउ गरेको छ। यसैबीच, अमेरिका जान तयारी...
