Day: २०८० चैत्र ३०, शुक्रबार १४:४१

बझाङ : वैशाख १५ गते हुने उपनिर्वाचनको लागि यतिबेला बझाङमा पनि नेकपा एमाले प्रचारप्रसारमा व्यस्त छ । प्रचारप्रसार अभियानमा पार्टीका नेता कार्यकर्ता सबै जिल्लाका विभिन्न स्थानमा पुगिरहेका छन् । नेकपा एमालेका केन्द्रीय सदस्य एवं युवा नेता ऐन महर पनि प्रचारप्रसार अभियानमै हुनुहुन्छ । उहाँ गाउँठाउँमा पुगिरहँदा जनताहरुले निकै आशावादी भावनाले हेर्ने गरेका छन् । विहिबार मष्टा गाउँपालिकामा पुग्नुभएका महरलाई एक शारीरिक रुपमा अशक्त व्यक्तिले निकै भावविह्वल भएर आफ्नो अवस्था सुनाए । मष्टा गाउँपालिका - ३ गैरागाउँका ३२ वर्षिय प्रेम सार्कीले महरलाई पहिलो भेटमा नै झम्टिएर रोएका हुन् । महरलाई गाउँमा आउने थाहा पाएपछि तीन घण्टा देखि बाटो कुरिरहेका सार्कीले भेटमा अबको आशा भरोसा तपाईं नै रहेको भन्दै सुनाए । सार्कीको जन्मदेखि नै दुवै खुट्टा टेक्न नमिल्ने रहेका छन् । उनी हातको साहारामा बाहिर भित्र गर्ने ग...