देशका विभिन्न ठाउँमा वर्षा, उच्च पहाडी क्षेत्रमा हिमपातको सम्भावना
काठमाडौँ– सुदूरपश्चिम, कर्णाली र लुम्बिनी प्रदेशका विभिन्न स्थानमा रातिदेखि लगातार वर्षा भइरहेको छ। पछिल्लो ६ घण्टामा सबैभन्दा धेरै पानी दाङमा ५६ मिलिमिटर परेको छ भने अछाम र दैलेखमा ४१ मिलिमिटर वर्षा भएको मौसम पूर्वानुमान महाशाखाले जनाएको छ।
वर्षा गराउने प्रणाली पश्चिमबाट पूर्वतिर सर्दै गएको महाशाखाले जानकारी दिएको छ। हाल बागमती र गण्डकी प्रदेशका केही स्थानहरूमा पनि वर्षा सुरु भएको छ।
आज कोशी, बागमती र गण्डकी प्रदेशका पहाडी भेगका केही स्थानमा ठूलो वर्षाको सम्भावना रहेको महाशाखाको अनुमान छ। साथै, देशका उच्च पहाडी तथा हिमाली क्षेत्रमा थोरै स्थानमा हिमपातको सम्भावनासमेत रहेको जनाइएको छ।...
