आईपीएलमा गुजरात र लखनउ विजयी, आज दुई खेल हुँदै
काठमाडौँ — भारतमा जारी इन्डियन प्रिमियर लिग (आईपीएल) क्रिकेटअन्तर्गत हिजो सम्पन्न खेलहरूमा गुजरात टाइटन्स र लखनउ सुपर जायन्ट्स विजयी भएका छन्।
पहिलो खेलमा गुजरातले दिल्ली क्यापिटल्सलाई ७ विकेटले पराजित गर्यो। दिल्लीले दिएको २०४ रनको लक्ष्य गुजरातले १९ ओभर ३ बलमा ३ विकेट गुमाउँदै पूरा गर्यो।
त्यसअघि, अहमदाबादमा टस हारेर पहिले ब्याटिङ गरेको दिल्लीले ८ विकेट गुमाएर २०३ रन बनाएको थियो।
यो जितसँगै सात खेलमा १० अङ्क जोडेको गुजरात तालिकाको शीर्ष स्थानमा उक्लिएको छ। समान अङ्क भए पनि दिल्ली दोस्रो स्थानमा छ।
त्यस्तै, हिजोको अर्को खेलमा लखनउ सुपर जायन्ट्सले राजस्थान रोयल्सलाई २ रनले हरायो।
जयपुरमा टस जितेर पहिले ब्याटिङ गरेको लखनउले ५ विकेट गुमाएर १८० रन बनायो। जवाफी इनिङमा राजस्थानले ५ विकेट गुमाएर २० ओभरमा १७८ रन मात्र बनाउन सक्यो।
८ खेल खेलेको लखनउ १० अङ्कसहित चौथो स्थानमा छ भने र...
