शिक्षा

धनगढी- माध्यमिक शिक्षा परीक्षा (एसइई) आजदेखि सुरु भएको छ । राष्ट्रिय परीक्षा बोर्डद्वारा सञ्चालन भइरहेको एसइई परीक्षाको पहिलो दिन विद्यार्थीले अनिवार्य अङ्ग्रेजी विषयको परीक्षा दिँदै छन् । परीक्षा बिहान ८ बजेबाट सुरु भएको हो। १९ गतेसम्म सञ्चालन हुने परीक्षाका लागि पाँच लाख १४ हजार ७१ विद्यार्थीले परीक्षा फर्म भरेका थिए । परीक्षा सञ्चालनका लागि मुलुकभर दुई हजार ७९ परीक्षा केन्द्र निर्धारण गरिएको छ । एसइईमा सुदूरपश्चिम प्रदेशबाट ५८ हजार नौ सय ४३ जना सहभागी भएका छन् । यस पटक जापानबाट पनि २९ जना परीक्षार्थीले एसइईमा सहभागिता जनाउँदै छन् । जुन जापानमा सञ्चालित नेपाली भाषाको विद्यालयका विद्यार्थी हुन् ।...

काठमाडौं- नयाँ शैक्षिक सत्रका लागि चैत १२ गतेदेखि पुस्तक वितरण सुरु गरिने भएको छ । सानोठिमीस्थित जनक शिक्षा सामग्री केन्द्रको गोदाममा रहेका किताब पाठ्यक्रम विकास केन्द्र र जनक शिक्षाको समन्वयमा वितरण सुरु गर्न लागिएको हो । पाठ्यक्रम विकास केन्द्रका महानिर्देशक इमनारायण श्रेष्ठका अनुसार गत शुक्रबार बसेको बैठकले चैत १२ गतदेखि वितरण गर्ने निर्णय गरेको थियोे । ‘गत वर्ष चैत १५ गतेबाट पुस्तक वितरण सुरु गरिएको थियो । जनक शिक्षाको प्रबन्ध–निर्देशक नियुक्त हुन बाँकी रहेकाले आर्थिक पक्ष केही प्रभावित हुन सक्ने श्रेष्ठले बताए । तैपनि पुस्तक वितरण समयमै सम्पन्न गर्ने योजना रहेको उनको भनाइ छ। हाल कक्षा नौ र १० का लागि सात विषय, कक्षा चारदेखि आठसम्मका लागि ६ विषय र कक्षा एकदेखि तीनसम्मका लागि चार विषयका पुस्तक छापिएका छन् । तर, कक्षा एक, दुई र चारका केही पुस्तक भने जनक शिक्षाले यस वर्ष छापेको छैन ।...

धनगढी- आगामी ७ चैतदेखि हुने माध्यामिक शिक्षा परीक्षा (एसईई)मा ५ लाख २२ हजार विद्यार्थी सहभागी हुने भएका छन् । राष्ट्रिय परीक्षा बोर्ड, परीक्षा नियन्त्रण कार्यालय, कक्षा १० का अनुसार २०८१ को एसईईका लागि नियमिततर्फ ४ लाख ६८ हजार, ग्रेड वृद्धिका लागि ५० हजार (२०८०) र पुराना ग्रेड वृद्धिकै लागि ४ हजार (२०७८–०७९) ले फारम भरेका छन् । निमित्त परीक्षा नियन्त्रक विष्णुप्रसाद ज्ञवालीका अनुसार परीक्षा केन्द्र २१ सय ३१ वटा तोकिएको छ । ‘परीक्षा केन्द्र केही थपघट हुनसक्छ,’ ज्ञवालीले भने । त्यस्तै विद्यार्थीले भरेको फारमको आधारमा प्रश्नपत्र छपाइको काम धमाधम भइरहेको छ । निमित्त परीक्षा नियन्त्रक ज्ञवालीका अनुसार जनक शिक्षा सामग्री केन्द्रमा प्रश्नपत्र छपाइको काम भइरहेको छ ।...