बझाङ जिल्ला को मस्टा गाउपालिका मा जनप्रतिनिधि हरु को मनोमानी बढ्दै गैरहेको पाइएको छ । पटक पटक विभिन्न कुराहरुको विवाद मा आइरहेको मस्टा गाउपालिकाले गत आर्थिक वर्ष २०७९ मंसिर २९ चैत्र मा खरिद गरेका मोटरसाइकलहरु मनोमानी तरिका ले निजि सवारी साधन झै प्रयोग भैरहेको पाइएको छ ।
मोटरसाइकल खरिद गरेको केहि दिन भित्र नै सेतो नम्बर प्लेट लगिसक्नुपर्ने प्राबधान भएता पनि मस्टा गाउपालिका को वार्डहरु क्रमशः १ र २ का वार्ड अध्यक्ष रामचन्द्र रोकाया र प्रकाश खड्का ले प्रयोग गर्ने मोटरसाइकलहरु भने लगभग २ वर्ष बितिसक्दा पनि सेतो नम्बर प्लेट लगिएको छैन । आफ्नो मनपरि तरिकाले सवारी साधन प्रयोग गरिरहेका छन ।
पटक पटक स्थानीय ब्यक्तिहरु बाट पनि सेतो नम्बर प्लेट राख्नु भनेर शुझाव पाउँदा पाउदै पनि जनप्रतिनिधि हरुले मनोमानी ढङ्गले आफ्नो निजि सवारी साधन झै प्रयोग गरिरहेका छन । सम्पुर्ण घरायसी काम देखि बिदाका दिनहरुमा पनि मोटरसाइकल प्रयोग भैरहेको एक जना स्थानीय श्याम रोकाया (परिवर्तित नाम) ले जानकारी दिएका छन । उनले भनेका छन “आफै एउटा जिम्मेवार ब्यक्ति भएर यस्ता गैरजिम्मेवार कार्यहरु गर्ने जनप्रतिनिधि हरु बाट के आश गर्ने ? यस्ता अनैतिक कार्यहरु रोकिएन भने समाज कहिले अगाडी बढ्न सक्दैन ।”
सेतो नम्बर प्लेट लगेपछी मनपरि तरिकाले सवारी साधन प्रयोग गर्न नपाइने भएकाले करिब २ वर्ष सम्म सेतो नम्बर प्लेट नलिइएको कुरा सिधै अनुमान गर्न सकिन्छ ।
गाउँपालिकाले भने आफुले पुरै रकम गत बर्ष नै भुक्तानी गरिसकेको र पटक पटक वडाअध्यक्ष हरुलाइ नम्बर प्लेट परिवर्तन आग्रह गरेता पनि वडा अध्यक्ष ले अटेरी गरेको जानकारी गराएको छ । साथै अब फेरि सुचना निकालेर सुझाव दिने त फेरि पनि बेवास्ता गर्यो भने मोटरसाइकल थुत्न सकिने गाउँपालिका जिन्सी शाखा प्रमुखले बताएको छन ।
सरकारी साधनको यसरी दुरुपयोग हुदा समेत सम्बन्धि निकाय समेत मौन बसेको पाइएको छ ।
