कैलाली / गत श्रावण १३ गते कैलालीको लम्किचुहा नगरपालिकामा २ मोतिपुरमा रहेको तिमिल्सिना इन्टरप्राइजेजमा चोरी भएको थियो । १३ गते राती चोरी भएको उक्त इन्टरप्राइजेजका सञ्चालक टिकाराम तिमिल्सिनाले भोलिपल्ट नै इलाका प्रहरी कार्यालय लम्किमा निवेदन समेत दिए । तिमिल्सिनाका अनुसार १ लाख ५५ नगद र ८० हजार बराबरको सामान चोरी भएको दावी गर्छन् ।
निवेदन दिएको दिनदेखी नै इलाका प्रहरी कार्यालय लम्की चोरी गर्ने मान्छे पत्ता लगाउन तिर लाग्छ । चोरिमा संलग्न तीन जनाको सोही पसलमा भएको सिसिटिभी क्यामरामा अनुहार कैद भएको हुन्छ । सिसिटिभिको फुटेजबाट प्रहरिले चोरी गर्नेको खोजी गर्छ र प्रारम्भिक अनुसन्धान बाट ३ जना चोर भएको खुल्छ
इलाका प्रहरी कार्यालयका प्रमुख शंखर खड्काका अनुसार चोरी कार्यमा संलग्न रहेका मुख्य आरोपी हेम शाहलाई टिकापुर सुधार केन्द्रबाट श्रावण ३१ गते ल्याइन्छ । चोरी कार्यमा संलग्न भनिएका र आरोपित शाह लागु औषध र दुर्व्यसनीमा समेत लागेको कुरा पत्ता लाग्छ ।
चोरिका आरोपित भागे जेलबाट
चोरिको आरोप लागेका हेम शाहलाइ प्रहरीले गत श्रावण ३१ गते पक्राउ गरेर इलाका प्रहरी कार्यालय लम्किमै ल्याएपनी शाह प्रहरीको आँखा छलेर भाग्न पुग्छन् । प्रहरीहरु र पक्राउ गरेर ल्याउने सुरक्षाकर्मी भित्र गएको मौका पारी आँखा छलेर भागेका आरोपित शाहलाइ गेटमा भएका सुरक्षाकर्मीले “कता जान लागेको?” भन्दा शाहले काम सकेर मलाई इन्चार्ज ज्यूले पठाउनु भएको समेत भन्न भ्याउँछन् ।
मुखदर्शक प्रहरी
राज्यको बलियो सुरक्षा निकाय मानिएको प्रहरी जनसंगठनबाट नै आरोपित भनिएका हेम शाह प्रक्राउ गरि ल्याएर सुरक्षा निकायको घेरा भित्रै बाट भाग्दापनी प्रहरी मुकदर्शक बनेको छ । ल्याएको एक घन्टा भित्रै आरोपित भाग्दा पनि यतिका दिनसम्म प्रहरीले दोस्रो चोटि भने शाहलाइ पक्रीन सकेको छैन ।
लम्किचुहा नगरपालिका मोतिपुरमा चोरको बिगबिगी छ तर मोतिपुरमा प्रहरी बिट भने भने राख्न सकेको छैन । यस अघाडी पनि थुप्रै चोरिका घटना भईरहेका थिए
